Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Сајлар 28:1—31

МҮНДӘРИҸАТ

  • Мүхтәлиф гурбанлар үчүн ҝөстәришләр (1—31)

    • Ҝүндәлик гурбанлар (1—8)

    • Шәнбә гурбанлары (9, 10)

    • Ајлыг гурбанлар (11—15)

    • Пасха гурбанлары (16—25)

    • Һәфтәләр бајрамы гурбанлары (26—31)

28  Сонра Јеһова Мусаја деди:  «Исраиллиләрә әмр едиб сөјлә: “Тәгдимәми, чөрәјими мүтләг ҝәтирин. Әтри Мәнә хош олан, одда јандырылан тәгдимәләрим вахтлы-вахтында ҝәтирилмәлидир”.+  Онлара де: “Јеһоваја одда јандырылан тәгдимә кими буну ҝәтирмәлисиниз: һәр ҝүн јандырма гурбаны олараг сағлам еркәк тоғлу,+  бирини сәһәр, о бирисини торан дүшәндә.+  Бу тәгдимәләрин һәр бири илә ефанын* онда бири гәдәр нарын уна һинин* дөрддә бири гәдәр јағ гатылыб јоғрулмуш тахыл тәгдимәси дә ҝәтирмәлисиниз.+  Бу, Сина дағында хош әтир, Јеһова үчүн одда јандырылан тәгдимә олараг ҝәтирилмәси бујурулан ҝүндәлик јандырма гурбаныдыр.+  Һәр тоғлунун јанында һинин дөрддә бири гәдәр шәраб тәгдимәси ҝәтирилмәлидир.+ Шәрабы мүгәддәс мәканда Јеһова үчүн шәраб тәгдимәси олараг төкүн.  О бири тоғлуну торан дүшәндә ҝәтирин. Ону сәһәрки кими һазырланан тахыл тәгдимәси вә ејни шәраб тәгдимәси илә бирликдә одда јандырылан тәгдимә, Јеһоваја хош олан әтир кими тәгдим един.+  Лакин шәнбә ҝүнү+ сағлам еркәк тоғлу, ефанын онда икиси гәдәр нарын уна јағ гатылыб јоғрулмуш тахыл тәгдимәси вә шәраб тәгдимәси ҝәтирилмәлидир. 10  Бу, ҝүндәлик јандырма гурбаны вә шәраб тәгдимәсиндән әлавә шәнбә ҝүнүнүн јандырма гурбаныдыр.+ 11  Һәр тәзә ај башлајанда Јеһоваја јандырма гурбаны кими ҹаван буға, гоч, сағлам еркәк тоғлу,+ 12  һәр буға үчүн ефанын онда үчү гәдәр нарын уна јағ гатылыб јоғрулмуш тахыл тәгдимәси,+ гоч үчүн ефанын онда икиси гәдәр нарын уна јағ гатылыб јоғрулмуш тахыл тәгдимәси,+ 13  һәр тоғлу үчүн ефанын онда бири гәдәр нарын уна јағ гатылыб јоғрулмуш тахыл тәгдимәси тәгдим един. Бу, Јеһова үчүн одда јандырылан тәгдимә вә хош әтирдир.+ 14  Онларын јанында һәр буға үчүн һинин јарысы гәдәр,+ гоч үчүн һинин үчдә бири гәдәр,+ һәр тоғлу үчүн исә һинин дөрддә бири гәдәр шәраб тәгдимәси ҝәтирилмәлидир.+ Бу, илин һәр ајында ҝәтирилән ајлыг јандырма гурбаныдыр. 15  Һәмчинин шәраб тәгдимәси илә бирликдә ҝәтирилән ҝүндәлик јандырма гурбанындан әлавә, Јеһоваја ҝүнаһ гурбаны олараг ҹаван кечи дә ҝәтирилмәлидир. 16  Биринҹи ајын он дөрдүнҹү ҝүнү Јеһоваја һәср олунмуш Пасхадыр.+ 17  Һәмин ајын он бешинҹи ҝүнү бајрам кечирмәлисиниз. Једди ҝүн әрзиндә мајасыз чөрәк јејилмәлидир.+ 18  Биринҹи ҝүн мүгәддәс топланты кечирин. Һеч бир ағыр иш ҝөрмәјин. 19  Јеһоваја одда јандырылан јандырма гурбаны кими ҹаван буға, гоч вә еркәк тоғлу тәгдим един. Һејванлар сағлам олмалыдыр.+ 20  Онларын јанында нарын уна јағ гатылыб јоғрулмуш тахыл тәгдимәси ҝәтирилмәлидир.+ Һәр буға үчүн ефанын онда үчү гәдәр, гоч үчүн ефанын онда икиси гәдәр, 21  једди тоғлунун һәр бири үчүн ефанын онда бири гәдәр ун ҝөтүрүлмәлидир. 22  Һәмчинин кәффарәниз үчүн ҝүнаһ гурбаны олараг кечи ҝәтирин. 23  Бунлары сәһәр ҝәтирилән ҝүндәлик јандырма гурбанындан әлавә тәгдим етмәлисиниз. 24  Једди ҝүнүн һәр бириндә чөрәк тәгдимәси кими ејни шеји ҝәтирмәлисиниз. Бу, одда јандырылан, әтри Јеһоваја хош олан тәгдимәдир. О, ҝүндәлик јандырма гурбаны вә онун јанында ҝәтирилән шәраб тәгдимәсинә әлавә олараг тәгдим олунмалыдыр. 25  Једдинҹи ҝүн мүгәддәс топланты кечирин,+ һеч бир ағыр иш ҝөрмәјин.+ 26  Јеһоваја тәзә тахыл тәгдимәси+ тәгдим етдијиниз нүбар ҝүнүндә,+ Һәфтәләр бајрамында мүгәддәс топланты кечирин,+ һеч бир ағыр иш ҝөрмәјин.+ 27  Јеһоваја хош әтир олсун дејә, јандырма гурбаны олараг ҹаван буға, гоч вә еркәк тоғлу ҝәтирмәлисиниз.+ 28  Онларын јанында исә нарын уна јағ гатылыб јоғрулмуш тахыл тәгдимәси ҝәтирилмәлидир. Һәр буға үчүн ефанын онда үчү гәдәр, гоч үчүн ефанын онда икиси гәдәр, 29  једди тоғлунун һәр бири үчүн ефанын онда бири гәдәр ун ҝөтүрүн. 30  Һәмчинин кәффарәниз үчүн ҹаван кечи ҝәтирмәлисиниз.+ 31  Бунлары ҝүндәлик јандырма гурбанына вә онун јанында ҝәтирилән тахыл тәгдимәсинә әлавә олараг тәгдим етмәлисиниз. Һејванлар сағлам олмалы,+ јанларында да шәраб тәгдимәси ҝәтирилмәлидир.

Һашијәләр

Ефа 22 литрлик габын тутумуна бәрабәрдир. Б14 әлавәсинә бах.
Һин 3,67 л-ә бәрабәрдир. Б14 әлавәсинә бах.