Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Рут 1:1—22

МҮНДӘРИҸАТ

  • Әлимәликин аиләси Муаба көчүр (1, 2)

  • Наимә, Орпа вә Рут дул галырлар (3—6)

  • Рут Наимәдән ајрылмыр (7—17)

  • Наимә Рутла Бејтләһмә гајыдыр (18—22)

1  Һакимләрин дөврүндә+ өлкәдә гытлыг башлады. Бу вахт Јәһуда Бејтләһминдән+ бир киши арвадыны вә ики оғлуну ҝөтүрүб мүвәггәти Муаб+ торпағына көчдү.  Кишинин ады Әлимәлик*, арвадынын ады Наимә*, оғланларынын ады исә Мәһлун* вә Килјун* иди. Онлар Јәһуда Бејтләһминдән олан әфратлылар идиләр. Онлар ҝәлиб Муаб торпағында мәскән салдылар.  Бир мүддәт сонра Наимәнин әри Әлимәлик өлдү вә о, ики оғлу илә галды.  Даһа сонра онун оғуллары Муаб гызлары илә евләндиләр. Ҝәлинләрдән биринин ады Орпа, о биринин ады Рут+ иди. Онлар орада он ил јашадылар.  Сонра Мәһлунла Килјун да өлдү. Наимә һәм әрсиз, һәм дә өвладсыз галды.  Муаб торпағында оларкән бир ҝүн Наимә ешитди ки, Јеһова Өз халгына рәһм едиб вә онлара чөрәк вериб. Буна ҝөрә дә о, ҝәлинләри илә Муаб торпағындан ҝеријә гајытмаг үчүн јола дүшдү.  Беләликлә, Наимә ики ҝәлини илә бирҝә јашадығы јердән чыхды. Онлар Јәһудаја апаран јолла ҝедәркән  Наимә ҝәлинләринә деди: «Гајыдын, ананызын евинә ҝедин. Гој Јеһова мәрһумлара вә мәнә ҝөстәрдијиниз мәһәббәтин әвәзиндә сиздән мәһәббәтини әсирҝәмәсин.+  Гој Јеһова сизә әр евиндә раһатлыг бәхш етсин».+ Сонра о, ҝәлинләрини өпдү вә онлар һөнкүр-һөнкүр ағламаға башладылар. 10  Ҝәлинләри дедиләр: «Јох, биз дә сәнинлә халгынын јанына ҝедирик». 11  Наимә онлара деди: «Гајыдын, ај гызларым. Нә үчүн мәнимлә ҝедирсиниз? Мәҝәр мән јенә оғул доға биләрәм ки, сизә әр олсун?+ 12  Гајыдын, ај гызларым, ҝери дөнүн. Мән әрә ҝетмәк үчүн чох јашлыјам. Десәм ки, елә бу ҝеҹә әрә ҝедәҹәјәм вә оғуллар доғаҹағам, 13  онлар бөјүјәнә кими ҝөзләјәҹәксиниз? Әрә ҝетмәјиб субај галаҹагсыныз? Јох, ај гызларым, Јеһованын мәнә гәзәби тутуб+ вә сизин һалынызы дүшүндүкҹә үрәјим ағрыјыр». 14  Онлар јенә дә һөнкүр-һөнкүр ағладылар. Сонра Орпа гајынанасыны өпүб ондан ајрылды. Рут исә онунла галды. 15  Наимә она деди: «Бах, дул галмыш елтин өз халгынын, өз аллаһларынын јанына гајытды. Сән дә онунла гајыт». 16  Рут она деди: «Сәни атыб ҝетмәји, ҝери гајытмағы мәндән истәмә. Сән һара ҝетсән, мән дә ора ҝедәҹәјәм, һарада галсан, орада галаҹағам, халгын халгым олаҹаг, сәнин Аллаһын мәним Аллаһым олаҹаг.+ 17  Сән һарада өлсән, мән дә орада өләҹәјәм вә мәни орада дәфн едәҹәкләр. Әҝәр өлүмдән башга бир шеј мәни сәндән ајырарса, гој Јеһова ҹәзамы версин». 18  Наимә ҝөрәндә ки, Рутун онунла ҝетмәк гәрары гәтидир, даһа она һеч нә демәди. 19  Онда онлар јолларына давам едәрәк ҝәлиб Бејтләһмә чатдылар.+ Бејтләһмә ҝәләндә шәһәрдә ҹанланма јаранды. Гадынлар дејирдиләр: «Бу, Наимә дејил?» 20  О исә гадынлара дејирди: «Мәнә Наимә демәјин. Мәнә Мара* дејин, чүнки Гүдрәт Саһиби һәјатымы аҹы етди.+ 21  Бурадан долу чыхдым, Јеһова исә мәни әлибош гајтарды. Мәни даһа Наимә чағырмајын. Ахы Јеһова мәнә дүшмән кәсилди, Гүдрәт Саһиби башыма бәдбәхтлик ҝәтирди».+ 22  Беләҹә, Наимә муаби ҝәлини Рутла бирҝә Муаб торпағындан+ ҝери гајытды. Онлар Бејтләһмә ҝәләндә арпа бичини тәзәҹә башламышды.+

Һашијәләр

Мәнасы: Аллаһым падшаһдыр.
Мәнасы: сәфам.
Еһтимал ки, бу ад зәифләмәк, хәстәләнмәк мәнасыны верән ибрани фелиндән јараныб.
Мәнасы: һалдан дүшән; сонуна јетишән.
Мәнасы: аҹы.