Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Ромалылара 4:1—25

МҮНДӘРИҸАТ

  • Ибраһим имана ҝөрә салеһ сајылды (1—12)

    • Ибраһим иман ҝәтирәнләрин атасыдыр (11)

  • Вәд имана ҝөрә верилмишди (13—25)

4  Елә исә, әҹдадымыз Ибраһим һаггында нә дејәк? О, нә газанды?  Әҝәр Ибраһим әмәлләринә ҝөрә салеһ сајылсајды, онун өјүнмәјә әсасы оларды, анҹаг Аллаһын гаршысында јох.  Мүгәддәс Јазылар нә дејир? «Ибраһим Јеһоваја иман ҝәтирди вә буна ҝөрә салеһ сајылды».+  Ишчијә верилән мааш лүтф јох, зәһмәт һаггыдыр.  Анҹаг инсан әмәлләрә архаланмырса, ҝүнаһкары салеһ сајана иман ҝәтирирсә, иманына ҝөрә салеһ сајылыр.+  Давуд да әмәлләрдән асылы олмајараг, Аллаһ тәрәфиндән салеһ сајылан адамы хошбәхт адландырыр:  «Хошбәхтдир о кәс ки, тәгсирләри бағышланыб, ҝүнаһлары әфв едилиб.  Хошбәхтдир о кәс ки, Јеһова онун ҝүнаһларыны һесаба алмыр».+  Бәс бу хошбәхтлик јалныз сүннәтлиләр үчүндүр, јохса сүннәтсизләрә дә аиддир?+ Ахы биз дејирик ки, «Ибраһим иманына ҝөрә салеһ сајылды».+ 10  О, нә вахт салеһ сајылды? Сүннәт олунандан сонра, јохса әввәл? Сүннәт олунандан сонра јох, әввәл салеһ сајылды. 11  Ибраһим һәлә сүннәт едилмәмишдән әввәл иманы илә газандығы салеһлијин мөһүрү кими* бир нишан алды.+ Бу нишан сүннәтдир. Беләҹә, о, сүннәтсиз һалда иман ҝәтирәнләрин атасы олду+ ки, онлар да салеһ сајылсынлар. 12  О һәмчинин сүннәт едилмиш нәслин: һәм сүннәтә садиг галмыш, һәм дә өзүнүн һәлә сүннәт едилмәмишдән әввәл саһиб олдуғу иманын јолунда јеријәнләрин атасы олду.+ 13  Чүнки дүнјанын вариси олмаг вәди+ Ибраһимә вә онун өвладларына ганун васитәсилә јох, имандан доған салеһлик васитәсилә вәд едилмишди.+ 14  Әҝәр гануна риајәт едәнләр варис олсајдылар, онда иман мәнасыны итирәр, вәд дә ләғв олунарды. 15  Әслиндә, Ганун инсаны Аллаһын гәзәбинә дүчар едир,+ ганун олмајан јердә ҹинајәт дә јохдур.+ 16  Буна ҝөрә дә вәд имана ҝөрә лүтф илә верилмишди+ ки, Ибраһимин бүтүн өвладлары үчүн:+ һәм Гануна риајәт едәнләр, һәм дә һамымызын атасы олан Ибраһим+ кими иман ҝәтирәнләр үчүн дәјишмәз олсун. 17  (Ахы јазылыб: «Мән сәни сечдим ки, чохлу халгларын атасы оласан».)+ Бүтүн бунлар онун инандығы, өлүләрә һәјат верән, вар олмајаны вармыш кими адландыран* Аллаһын гаршысында баш верди. 18  Вәзијјәт үмидсиз ҝөрүнсә дә, о, үмидини үзмәди, иман етди ки, чохлу халгларын атасы олаҹаг. О, бу сөзләрә инанырды: «Өвладларын о гәдәр олаҹаг».+ 19  Иманы зәифләмәсә дә, һәм өз бәдәнинин өлү олдуғуну (чүнки тәхминән јүз јашында иди),+ һәм дә Саранын бәтнинин өлү олдуғуну һесаб едирди.+ 20  Амма Аллаһдан вәд алдығына ҝөрә шәкк-шүбһә етмәди, иман етди. Иманы она ҝүҹ верди вә о, Аллаһа алгыш етди. 21  Ибраһим там әмин иди ки, Аллаһ вердији вәди јеринә јетирмәјә гадирдир.+ 22  Буна ҝөрә дә «о, салеһ сајылды».+ 23  «Салеһ сајылды» сөзләри јалныз Ибраһим үчүн јазылмајыб,+ 24  бу сөзләр һәм дә салеһ сајылаҹаг бизләрдән өтрү јазылыб, чүнки биз Ағамыз Исаны дирилдән Аллаһа инанырыг.+ 25  О, бизим ҝүнаһларымыздан өтрү өлүмә тәслим едилди+ вә Аллаһ ону бизим салеһ билинмәјимиз үчүн дирилтди.+

Һашијәләр

Јахуд тәсдиги кими.
Диҝәр вариант: вар олмајаны вар едән.