Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Наһум 1:1—15

МҮНДӘРИҸАТ

  • Аллаһ дүшмәнләриндән гисас алыр (1—7)

    • Аллаһ там сәдагәт тәләб едир (2)

    • Јеһова Она пәнаһ ҝәтирәнләри таныјыр (7)

  • Нејнәва мәһв едиләҹәк (8—14)

    • Фәлакәт тәкрар олмајаҹаг (9)

  • Јәһудаја мүждә (15)

1  Нејнәваја*+ гаршы һөкм. Елгошлу Наһумун* вәһј китабы.   Јеһова там сәдагәт тәләб едән,+ гисасы јердә гојмајан Аллаһдыр.Јеһова гисас алыр, Онун гәзәби күкрәјир.+ Јеһова дүшмәнләриндән гисас алыр,Гәзәбини дүшмәнләри үчүн сахлајыр.   Јеһова сәбирлидир,+ бөјүк гүдрәт саһибидир.+Јеһова әсла ҹәзасыз гојмаз.+ Онун јолу туфанын, гасырғанын ичиндән кечир,Булудлар ајағынын алтында тоз кимидир.+   О, дәнизә әмр едир,+ дәниз гурујур,Бүтүн чајлары гупгуру едир.+ Башан вә Кармел саралыб-солур,+Ливан чичәкләри солухур.   О, дағлары сарсыдыр,Тәпәләри әридир.+ Јер вә торпаг,Јер үзүндә јашајанлар Онун һүзурунда титрәјәҹәк.+   Онун һиддәти гаршысында ким дура биләр?+ Шиддәтли гәзәбинә ким дөзә биләр?+ Онун һиддәти од кими төкүләр,Гајалары сарсыдар.   Јеһова кәрамәтлидир,+ дар ҝүндә мөһкәм галадыр.+ Она пәнаһ ҝәтирәнләри таныјыр*.+   О, шәһәри* сел сулары илә мәһв едәҹәк,Зүлмәт Онун дүшмәнләрини изләјәҹәк.   Јеһоваја гаршы нә фәнд гура биләрсиниз? О, сизин көкүнүзү кәсәҹәк. Фәлакәт икинҹи дәфә тәкрар олмајаҹаг.+ 10  Онлар тикан кими бир-биринә долашыблар,Пивәдән сәрхош оланлара бәнзәјирләр,Амма гуру күләш кими јаныб күлә дөнәҹәкләр. 11  Јеһоваја гаршы фитнә-фел дүшүнән,Бош-бош мәсләһәтләр верән сәндән чыхаҹаг. 12  Јеһова дејир: «Онлар ҝүҹлү олсалар да, чохсајлы олсалар да,Мәһв олаҹаглар, көкләри кәсиләҹәк*. Мән сәни* вурмушам, даһа вурмајаҹағам. 13  Онларын сәнин үзәринә гојдуғу бојундуруғу сындыраҹағам,+Сәнин буховларыны гыраҹағам. 14  Јеһова сәнин* барәндә әмр едир:“Даһа адыны дашыјан өвладын олмајаҹаг. Аллаһларынын евиндән ојма бүтләрини, төкмә бүтләрини мәһв едәҹәјәм. Сәнин үчүн гәбир һазырлајаҹағам, чүнки сән һечнәсән”. 15  Бах, мүждә ҝәтирән сүлһ ҹарчысынын ајаглары дағлары ашыр.+Еј Јәһуда, бајрамларыны кечир,+ Нәзирләрини јеринә јетир,Чүнки даһа ичиндән јарамаз адам кечмәјәҹәк, О, тамамилә мәһв олаҹаг».

Һашијәләр

Ниневија.
Мәнасы: тәсәлли верән.
Јахуд Она пәнаһ ҝәтирәнләрин гејдинә галыр.
Јәни Нејнәваны.
Диҝәр вариант: мәһв олаҹаглар вә о, ичиндән кечәҹәк.
Јәни Јәһуданы.
Јәни Ашшурун.