Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Мәтта 3:1—17

МҮНДӘРИҸАТ

  • Вәфтизчи Јәһјанын тәблиғи (1—12)

  • Исанын вәфтизи (13—17)

3  О ҝүнләрдә Вәфтизчи Јәһја+ Јәһудијјә чөллүјүндә тәблиғ етмәјә башлады.+  О дејирди: «Төвбә* един, чүнки сәмави Падшаһлыг јахынлашыр».+  Әшија пејғәмбәр+ онун һаггында демишди: «Чөллүкдә кимсә гышгырыр: “Јеһова үчүн јол һазырлајын! Онун јолларыны һамарлајын”».+  Јәһја дәвә јунундан палтар ҝејир, белинә дәри гуршаг бағлајырды,+ чәјирткә вә чөл балы илә гидаланырды.+  Јерусәлим, бүтүн Јәһудијјә вә Иордан әтрафы бөлҝәләрин ҹамааты онун јанына ахышырды.+  Инсанлар ҝүнаһларыны ачыг-ашкар бојнуна алырды, Јәһја да онлары Иордан чајында вәфтиз* едирди.+  Јәһја хејли фәриси вә саддукинин+ вәфтиз јеринә ҝәлдијини ҝөрәндә онлара деди: «Еј әфи илан балалары,+ гаршыдан ҝәлән гәзәбдән гачмаг фикрини ағлыныза ким гојуб?+  Төвбәјә јарашан бәһрәләр ҝәтирин,  “Атамыз Ибраһимдир”,+ — дејиб өзүнүзү архајынлашдырмајын. Буну билин ки, Аллаһ истәсә, Ибраһимә бу дашлардан да өвлад јарада биләр. 10  Балта артыг ағаҹларын дибиндәдир. Јахшы мејвә ҝәтирмәјән ағаҹ кәсилиб ода атылаҹаг.+ 11  Төвбә етдијиниз үчүн мән сизи су илә вәфтиз едирәм,+ амма мәндән сонра ҝәлән мәндән ҝүҹлүдүр. Мән онун ајағындан сәндәлини чыхартмаға белә, лајиг дејиләм.+ О, сизи мүгәддәс руһла+ вә аловла вәфтиз едәҹәк.+ 12  О, әлиндә күрәк һазыр дајаныб. Хырманы тәртәмиз тәмизләјиб буғдасыны анбара јығаҹаг, саманы исә сөнмәз ода атыб јандыраҹаг».+ 13  О заман Иса вәфтиз олунмаг үчүн Ҹәлиләдән Иордан чајынын кәнарына, Јәһјанын јанына ҝәлди.+ 14  Јәһја: «Мәни сән вәфтиз етмәлисән, сән исә мәним јаныма ҝәлирсән?» — дејәрәк она мане олмаг истәди. 15  Иса она ҹаваб верди: «Мәнә мане олма, чүнки бу јолла биз доғру олан һәр шеји јеринә јетирәҹәјик». Онда Јәһја даһа она мане олмады. 16  Иса вәфтиз олан кими судан чыхды. Бирдән ҝөјләр ачылды,+ Јәһја ҝөрдү ки, Аллаһын руһу ҝөјәрчин кими Исанын үзәринә енир.+ 17  Бу заман ҝөјдән бир сәс ҝәлди:+ «Бу, Мәним севимли Оғлумдур.+ Мән ондан чох разыјам».+

Һашијәләр

Төвбә кими тәрҹүмә олунан јунан сөзү дүшүнҹә тәрзини дәјишмәк демәкдир.