Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Мәсәлләр 7:1—27

МҮНДӘРИҸАТ

  • Аллаһын әмрләри вә узун өмүр (1—5)

  • Гадын нашы ҹаваны товлајыр (6—27)

    • Кәсилмәјә ҝедән буға кими (22)

7  Оғлум, гој сөзләрим гулағында галсын,Әмрләрими горујуб сахла.+   Әмрләримә бағлы гал ки, өмрүн узун олсун,+Нәсиһәтими* ҝөз бәбәјин кими гору.   Онлары бармагларына сары,Үрәјинин лөвһәсинә көчүр.+   Һикмәтә: «Баҹымсан», — де, Дәрракәјә: «Әгрәбамсан», — сөјлә.   Онда онлар сәни позғун гадындан горујар,+Әхлагсыз гадындан, онун ширин дилиндән сахлар.+   Евимин пәнҹәрәсиндән,Шәбәкә архасындан ашағы бахыб   Нашы ҝәнҹләрә тамаша едирдим.Онларын арасында ағылсыз бир ҹаван диггәтими ҹәлб етди.+   О, һәмин гадынын евинин тининдән кечирди,Онун евинә тәрәф ҝедирди.   Гаш гаралыр, ахшам дүшүрдү,+Ҝеҹәнин зүлмәти јахынлашырды. 10  Бахыб ҝөрдүм ки, фаһишә либаслы,+ үрәји фәнд-феллә долуБир гадын онун габағына чыхды. 11  О, һај-күјчүдүр, һәјасыздыр,+ Ајағы евә јығылмыр. 12  Ҝаһ күчәләрә, ҝаһ мејданлара чыхыр,Һәр тинин башында пусгу гурур.+ 13  О, оғланы тутуб өпдү,Арсыз-арсыз деди: 14  «Јандырма гурбаны кәсмәли идим.+ Бу ҝүн нәзирими јеринә јетирдим. 15  Она ҝөрә дә пишвазына чыхдым,Сәни ахтарыб тапдым. 16  Чарпајыма зәриф өртүкләр,Әлван Мисир кәтаны сәрмишәм.+ 17  Јатағыма мүрр, әзвај, дарчын сәпмишәм.+ 18  Ҝәл ешг бадәсини сүбһәдәк ичәк,Севҝи атәши илә аловланаг. 19  Әрим евдә јохдур,Узаг сәфәрә чыхыб. 20  Пул кисәсини ҝөтүрүб,Бир дә ај бәдирләнәндә гајыдаҹаг». 21  Гадын дил төкүб ҹаваны товлады,+ Ширин диллә ону јолдан чыхартды. 22  Ҹаван да кәсилмәјә ҝедән буға кими,Күндәјә салыныб ҹәзаландырылан ахмаг кими, онун ардынҹа ҝетди.+ 23  Ахырда ҹијәринә ох сапланаҹаг.О, гуш кими тора дүшмәјә тәләсир, билмир ки, ҹаны алынаҹаг.+ 24  Еј оғулларым, сөзләримә гулаг верин,Дедикләримә диггәт кәсилин. 25  Мәбада үрәјин о гадынын јолларына мејил салсын, Мәбада онун кечдији јола гәдәм гојасан.+ 26  Чүнки о, нечәсини мәһв едиб.+Тәләф етдији адамларын сајы-һесабы јохдур.+ 27  Онун еви Мәзара* апарыр,Өлүмүн дәрин отагларына ҝедиб чыхыр.

Һашијәләр

Јахуд ганунуму.
Ибр. шеол. Лүғәтә бах.