Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Мәсәлләр 29:1—27

МҮНДӘРИҸАТ

  • Әркөјүн ушаг хәҹаләт ҝәтирир (15)

  • Вәһј олмајанда һәрҹ-мәрҹлик олур (18)

  • Һирсли адамын хәтасы чох олар (22)

  • Садә адам шәрәфә јүксәләр (23)

  • Инсан горхусу тәләдир (25)

29  Чохлу төһмәтләрдән сонра да дикбашлыг едән,+Гәфләтән јыхылыб наәлаҹ галар.+   Салеһ чохдурса, халг шад олар,Һөкмдар писдирсә, халг налә чәкәр.+   Һикмәти севән атасыны севиндирәр,+Фаһишәләрә ашна олан вар-јохуну һаваја совурар.+   Падшаһ әдаләтлә өлкәдә сабитлик јарадар,+Рүшвәтхор исә өлкәни тар-мар едәр.   Гоншусуну јаландан тәрифләјәнОнун ајағы алтына тор сәрир.+   Шәр адамын ҝүнаһы она тәләдир,+Салеһ исә шад олар, фәрәһиндән ҹуша ҝәләр.+   Салеһ адам мәзлумун һаггыны дүшүнәр,+Пис адамын исә бу, веҹинә дејил.+   Ловға адамлар шәһәрә од-алов салар,+Һикмәтлиләр исә гәзәби јатырар.+   Һикмәтли адам ахмагла чәкишмәјә ҝиришсә,Бошбоғазлыг вә ришхәнддән савајы ортада бир шеј олмаз.+ 10  Ганичән адам мәсум адама нифрәт едәр,+Тәмиз адама гәсд етмәк үчүн фүрсәт ахтарар*. 11  Ахмаг адам һирсини ортаја төкәр,+Һикмәтли исә тәмкинини позмајыб сакит галар.+ 12  Јалана гулаг асан һөкмдарынНөкәр-наиби јаман олар.+ 13  Мәзлумла залымын бир шејдә охшарлығы вар: Икисинин дә ҝөзүнә нуру Јеһова вериб. 14  Фағыр-фүгәраја әдаләтлә һөкм едән падшаһын+Тахты һәмишәлик дурар.+ 15  Көтәк вә төһмәт һикмәт ҝәтирәр,+Амма әркөјүн ушаг анасыны хәҹил едәр. 16  Писләр артанда асилик артар,Амма салеһләр онларын сүгутуну ҝөрәр.+ 17  Оғлуна нәсиһәт версән, сәнә динҹлик ҝәтирәр,Үрәјини шад едәр.+ 18  Илаһидән вәһј назил олмајанда һәрҹ-мәрҹлик олур,+Амма гануна әмәл едәнләр бәхтијардыр.+ 19  Нөкәрә сөз кар еләмәз,Чүнки баша дүшсә дә гулаг асмаз.+ 20  Тез-тәләсик сөз дејән адам ҝөрмүсән?+ Ахмағын ҝәләҹәјинә даһа чох үмид вар, нәинки онун.+ 21  Нөкәри ушаглыгдан әркөјүн етсән,Ахырда нанкор олар. 22  Өзүндән тез чыхан дава јарадар,+Һирсли адамын хәтасы чох олар.+ 23  Тәкәббүр инсаны алчалдар,+Садә адам шәрәфә јүксәләр.+ 24  Оғруја гошулан өзүнә дүшмән олар, Гарғышы ешитсә дә, билдијини ачыб демәз.+ 25  Инсан горхусу тәләдир,+Амма Јеһоваја ҝүвәнән һифз олар.+ 26  Чохлары һөкмдарын һүзуруну арзулар*,Амма һагг-әдаләт Јеһовадан ҝәләр.+ 27  Салеһин һагсыздан,+Наҹинсин дә дүз адамдан зәһләси ҝедәр.+

Һашијәләр

Диҝәр вариант: тәмиз адам исә ҹаныны горумаға чалышар.
Диҝәр вариант: лүтфүнү газанмаг истәјәр.