Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Мәсәлләр 26:1—28

МҮНДӘРИҸАТ

  • Тәнбәлин тәсвири (13—16)

  • Башгасынын давасына гарышма (17)

  • Јерсиз зарафат етмә (18, 19)

  • Одун олмајанда оҹаг сөнәр (20, 21)

  • Бөһтанчынын сөзләри дадлы тикәләрә бәнзәр (22)

26  Јаја гар, бичин мөвсүмүнә јағыш јарашмадығы кими,Ахмаға да шәрәф јарашмыр.+   Гуш бош јерә пырылдамаз, гарангуш бош јерә учмаз,Гарғыш да бош јерә адамы тутмаз*.   Ата гамчы, ешшәјә нохта неҹә јарашырса,+Ахмагларын да күрәјинә көтәк елә јарашыр.+   Ахмаға ахмаглығына ҝөрә ҹаваб вермә,Јохса она тај оларсан.   Ахмаға ахмаглығына ҝөрә ҹаваб вер ки,Өзүнү ағыллы санмасын.+   Ишини ахмаға тапшыранАјағыны шикәст едиб өзүнә зијан вурана бәнзәр.   Ахмағын дилиндән чыхан мәсәлЧолағын ахсаг ајағына бәнзәр.+   Ахмағы уҹалтмагСапанда даш гојмаға бәнзәр.+   Сәрхошун әлиндә тикан колу неҹәдирсә,Ахмағын чәкдији мәсәл дә еләдир. 10  Ахмағы, јолдан кечәни муздла тутанКими ҝәлди јаралајан охатана бәнзәр. 11  Көпәк өз гусунтусуна гајытдығы кими,Ахмаг да ахмаглығыны тәкрарлар.+ 12  Өзүнү ағыллы сајан адам ҝөрмүсән?+ Ахмағын дүзәлмәјинә ондан чох үмид вар. 13  Тәнбәл дејәр: «Јолда аслан вар,Мејданда шир долашыр!»+ 14  Гапы өз дабаны үстдә,Тәнбәл дә јатағында фырланар.+ 15  Тәнбәл әлини ҹама салар,Чыхарыб ағзына апармаға һеји олмаз.+ 16  Тәнбәл адам өзүнүАғыллы ҹаваб верән једди нәфәрдән һикмәтли сајар. 17  Башгасынын давасына ҝөрә өзүндән чыхан* јолчу,Санки, итин гулагларындан тутур.+ 18  Одлу мизраглар, охлар атан, өлүм сачан дәли неҹәдирсә, 19  Гоншусуна кәләк ҝәлиб сонра «зарафат етдим» дејән дә еләдир.+ 20  Одун олмајанда оҹаг сөнәр,Бөһтанчы олмајанда да дава кәсиләр.+ 21  Көмүр көз салар, одун оҹағы алышдырар,Давакар адам да даваны гызышдырар.+ 22  Бөһтанчынын сөзләри дадлы тикәләрә бәнзәр,Дүз мәдәнин дибинә дүшәр.+ 23  Шәр үрәкдән ҝәлән ширин сөзләрСахсы габын үстүнә чәкилмиш ҝүмүшә бәнзәр.+ 24  Дүшмән кинини дили илә өртәр,Амма үрәјиндә фитнә бәсләр. 25  Меһрибан-меһрибан данышса да она инанма,Чүнки гәлбиндә једди ҹүр ијрәнҹлик вар*. 26  Нифрәтини јаланла өрт-басдыр етсә дә,Кини ҹамаат ичиндә фаш олар. 27  Гују газан, өзү о гујуја дүшәр,Ким дашы јуварлајарса, даш онун үстүнә гајыдар.+ 28  Јаланчы дил јыхдығы кәсләрә нифрәт едәр,Јалтаг дил исә виранәлик јарадар.+

Һашијәләр

Диҝәр вариант: наһаг гарғыш адамы тутмаз.
Диҝәр вариант: башгасынын давасына гарышан.
Јахуд гәлби бүсбүтүн чиркиндир.