Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Мәсәлләр 25:1—28

МҮНДӘРИҸАТ

  • Мәхфилик горунмалыдыр (9)

  • Мәгамында дејилән сөз (11)

  • Гоншунун евинә тез-тез ҝетмә (17)

  • Дүшмәнин башына көз јығмаг (21, 22)

  • Шад хәбәр сәрин су кимидир (25)

25  Бунлар да Сүлејманын мәсәлләридир.+ Јәһуда падшаһы Һизгијјәнин+ адамлары онлары гәләмә алдылар*.   Мәсәләни сирли сахламаг Аллаһа шәрәф ҝәтирир,+Иши арашдырмаг исә падшаһлары уҹалдыр.   Ҝөјләр нә гәдәр уҹадырса, јер нә гәдәр дәриндирсә,Падшаһын да гәлби елә дәркедилмәздир.   Ҝүмүшү туллантыдан ајыр,Онда саф олар.+   Шәр адамы падшаһын һүзурундан узаглашдыр,Онда тахты әдаләтлә бәргәрар олар.+   Падшаһын һүзурунда өзүнү уҹалтма,+Әсилзадәләрин арасында дурма.+   Гој о, сәнә: «Бујур, јухары баша кеч», — десин, Нәинки әсилзадәләрин өнүндә алчалтсын.+   Мәһкәмә ачмаға тәләсмә,Гоншун сәни ҝүнаһкар чыхарса, нә едәҹәксән?+   Гоншунла чәкишмәни апар,+Амма араныздакы сирри ачма.+ 10  Ким ешитсә, сәни утандырар,Јајдығын сөз-сөһбәти дә јығыб-јығышдырмаг олмаз. 11  Мәгамында дејилән сөзҜүмүш габда гызыл алмалара бәнзәр.+ 12  Сөзешидәнә һикмәтли мәзәммәтчиГызыл сырға, саф гызылдан дүзәлмиш зинәт кимидир.+ 13  Бичин ҝүнү гардан ҝәлән сәринлик неҹәдирсә,Етибарлы гасид дә ону ҝөндәрән үчүн еләдир.О, ағасынын руһуну тәзәләр.+ 14  Олмајан һәдијјә илә өјүнән адамЈағышсыз булуда, күләјә бәнзәр.+ 15  Сәбирлә сәркәрдә фәтһ едиләр.Һәлим дил дашы да јумшалдар*.+ 16  Бал тапмысанса, гәдәриндә је,Чох јесән, гусарсан.+ 17  Гоншунун евинә тез-тез ҝетмә,Јохса безәр, сәндән зәһләси ҝедәр. 18  Адамын үзүнә дуран јаланчы шаһид+Топпуза, гылынҹа, ити оха бәнзәр. 19  Дар ҝүндә етибарсыз адама* бел бағламагСыныг дишә, чолаг ајаға ҝүвәнмәјә бәнзәр. 20  Гәлби губарлыја нәғмә охујан+Сојуг һавада палтарыны сојунан адама,Јахуд гәләви үстә төкүлән сиркәјә бәнзәр. 21  Дүшмәнин аҹдырса, ону једиздир,Сусуздурса, она су вер.+ 22  Беләҹә, онун башына көз јығарсан*,+Јеһова да сәндән јахшылығыны әсирҝәмәз. 23  Шимал күләји лејсан ҝәтирәр,Гејбәтчи дил дә гәзәб.+ 24  Давакар* арвадла бир евдә јашамагданса,Дамын бир күнҹүндә јашамаг јахшыдыр.+ 25  Јорғун адам үчүн сәрин су неҹәдирсә,Узаг дијардан ҝәлән шад хәбәр дә еләдир.+ 26  Шәр адама тәслим олан салеһБуланыг чешмәјә, дағылмыш гујуја бәнзәр. 27  Чохлу бал јемәк јахшы дејил,+Өзүнү уҹалтмаг да уҹалыг дејил.+ 28  Тәмкинсиз адам*Дивары учурулмуш, диварсыз шәһәрә бәнзәјир.+

Һашијәләр

Јахуд үзүнү көчүрдүләр вә топладылар.
Һәрфән: сүмүјү гырар.
Диҝәр вариант: намәрдә.
Инсаны јумшалтмаг, гәлбиндәки бузу әритмәк нәзәрдә тутулур.
Јахуд зәһләтөкән.
Јахуд өзүнү ҹиловлаја билмәјән.