Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Мәсәлләр 23:1—35

МҮНДӘРИҸАТ

  • Гонаглыгда әдәб-әркан (2)

  • Вар-дөвләт далынҹа гачма (4)

  • Вар-дөвләт учуб ҝедәр (5)

  • Шәраб дүшкүнләринә гошулма (20)

  • Ички илан кими чалар (32)

23  Падшаһла бир сүфрәјә әјләшәндәГабағына јахшы-јахшы бах.   Иштаһан бөјүк олса да,Боғазына бычаг гој.   Онун ләзиз тәамларына тамаһ салма,Чүнки бунлар алдадыҹы тәамлардыр.   Вар-дөвләт газанмаг үчүн өзүнү јорма.+ Дајан вә дүшүн*,   Бир дә бахыб ҝөрәҹәксән ки, јохдур.+Гарталтәк ганад ачыб ҝөјләрә учаҹаг.+   Хәсис адамын чөрәјини јемә,Онун ләзиз тәамларына тамаһ салма.   Чүнки о, һәр шејин һесабыны тутар, «Бујур, је, ич» десә дә, боғаздан јухары дејәр.   Једијин лоғманы гусарсан,Тәрифләрин дә һәдәр ҝедәр.   Ахмаға сөз демә,+Чүнки сәнин ағыллы сөзләринә һәгарәт едәр.+ 10  Гәдим сәрһәд нишаныны јериндән тәрпәтмә,+Јетим-јесирин саһәсинә ҝирмә. 11  Чүнки онларын Һамиси ҝүҹлүдүр,Сәндән етдикләри шикајәтә О бахаҹаг.+ 12  Үрәјини тәрбијәјә јөнәлт,Гулағыны билијә сары чевир. 13  Ушагдан тәрбијәни әсирҝәмә,+ Ону көтәкләсән, өлмәз. 14  Ону көтәклә ки,Мәзардан* горујуб сахлајасан. 15  Оғлум, әҝәр үрәјин һикмәтли олса,Көнлүм шад олар.+ 16  Дилиндән дүз сөзләр чыхса,Ичим* севинҹлә долар. 17  Гој үрәјин ҝүнаһкарлара һәсәд апармасын,+Һәр ҝүнүнү Јеһова хофу илә јаша.+ 18  Јалныз о вахт ҝәләҹәјин олар,+Үмидин пуча чыхмаз. 19  Оғлум, динлә, һикмәтли ол,Гәлбини дүз јола јөнәлт. 20  Шәраб дүшкүнләринә,+Әт һәрисләринә гошулма.+ 21  Чүнки әјјаш вә гарынгулу јохсуллуға дүшәр,+Мүрҝү дөјән ҹыр-ҹындыр ичиндә галар. 22  Сәнә һәјат верән атана гулаг ас,Бирчәји ағарыб дејә анана хор бахма.+ 23  Һәгигәти ал, ону сатма,+Һикмәти, тәрбијәни, дәрракәни дә ал.+ 24  Салеһ адамын атасы севинәр,Ағыллы өвладын атасы фәрәһләнәр. 25  Атан, анан севинәр,Сәни дүнјаја ҝәтирән анан шад олар. 26  Оғлум, гәлбини мәнә вер,Гој ҝөзләрин јолларымдан һәзз алсын.+ 27  Фаһишә дәрин чаладыр,Әхлагсыз гадын дар гујудур.+ 28  О, гулдур кими пусгуда дурар,+Хәјанәткар кишиләрин сајыны артырар. 29  Ким аһ-вај едәр? Кимин дәрди-сәри олар? Кимин башы галмагалдан ачылмаз? Ким ҝилеј-ҝүзар едәр? Кимин бәдәни јара-јара олар? Кимин ҝөзләри донуг олар? 30  Шәраб архасындан дурмајанын,+Ҝөзләри түнд шәраб ахтаранын. 31  Шәрабын ал рәнҝинә,Бадәдә парламасына, раһат ичилмәсинә бахма. 32  Ахырда илан кими чалар,Ҝүрзә кими зәһәр бурахар. 33  Ҝөзләринә гәрибә шејләр ҝөрүнәр,Үрәјинә әјри-үјрү фикирләр ҝәләр.+ 34  Өзүнү дәнизин тән ортасында узанмыш,Дор ағаҹынын башында јатмыш санарсан. 35  Дејәрсән: «Мәни вурдулар, һисс еләмәдим, Дөјдүләр, хәбәрим олмады. Ҝөрәсән, нә вахт ајылаҹағам?+ Јенә ичәрдим».

Һашијәләр

Диҝәр вариант: өз фикрини кәнара гој.
Ибр. шеол. Лүғәтә бах.
Һәрфән: бөјрәкләрим.