Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Мәсәлләр 22:1—29

МҮНДӘРИҸАТ

  • Тәмиз ад бөјүк сәрвәтдән үстүндүр (1)

  • Еркән тәрбијә өмүрлүкдүр (6)

  • Тәнбәл бајырдакы ширдән горхар (13)

  • Тәрбијә ахмаглығы узаглашдырар (15)

  • Уста падшаһ һүзурунда гуллуг едәр (29)

22  Тәмиз ад бөјүк сәрвәтдән үстүндүр,+Шәрәф гызыл-ҝүмүшдән јахшыдыр.   Касыбын да, варлынын да бир охшарлығы вар: Һәр икисини Јеһова хәлг едиб.+   Узагҝөрән бәланы дујуб ҝизләнәр,Ҹаһил исә габаға ҝедиб зијан тапар.   Тәвазөкарлығын вә Јеһова хофунун бәһрәсиСәрвәт, шәрәф вә һәјатдыр.+   Әјри адамын јолунда тикан олар, тәлә олар.Ҹанынын гәдрини билән онлардан узаг ҝәзәр.+   Ушаға дүзҝүн јолу өјрәт,+Гоҹаланда да о јолдан чыхмаз.+   Варлы касыбын ағасы олар,Борҹ алан да борҹ верәнин нөкәри.+   Надүрүстлүк әкән фәлакәт бичәр,+Онун гәзәб әсасы јох олар.+   Әлиачыг адамын рузиси бол олар,Чүнки чөрәјини касыб-кусубла бөлүшүр.+ 10  Ришхәндчини гов,Дава-далаш кәсиләр,Сөз-сөһбәт, тәһгир арадан галхар. 11  Сафлығы севән, дили ләтафәтли адамПадшаһа дост олар.+ 12  Јеһованын ҝөзү елмин һамисидир.Хаинләрин исә сөзләрини О пуч едәр.+ 13  Тәнбәл дејәр: «Бајырда шир вар, Күчәјә чыхсам, мәни парчалар».+ 14  Позғун гадынын дили дәрин гујудур,+ Јеһованын рәдд етдији кәс ора дүшәр. 15  Ахмаглыг ушағын үрәјиндә көк салар,+Тәрбијә көтәји ону ушагдан узаглашдырар.+ 16  Сәрвәтини артырмаг үчүн касыба кәләк ҝәлән,+Һәмчинин варлыја һәдијјәләр верәнАхырда јохсул олар. 17  Гулағыны ач, мүдрикләрин сөзләрини динлә,+Елмими бүтүн үрәјинлә мәнимсә.+ 18  Һәмишә дилиндә олсунлар дејә+Онлары көксүндә сахласан, чох әҹәб олар.+ 19  Јеһова ҝүвәнҹ јерин олсун дејәБу ҝүн сәнә билик верирәм. 20  Индијәдәк сәнәМәсләһәтләр, нәсиһәтләр јазмышам ки, 21  Доғру-дүрүст сөзләр өјрәдим,Сәни ҝөндәрәнә дүзҝүн хәбәр апарасан. 22  Касыбы касыб олдуғу үчүн сојма,+Мәзлуму шәһәр дарвазасында әзиб-тапдалама.+ 23  Чүнки онларын ишинә Јеһова Өзү бахаҹаг,+Онлара фырылдаг ҝәләнин ҹаныны алаҹаг. 24  Өзүндән тез чыханла јолдаш олма,Һирсли адамла отуруб-дурма. 25  Јохса онун јолларына алышарсан,Өзүнү тора саларсан.+ 26  Әл сыхыб ҝиров бојун оланларын,Борҹа замин дуранларын арасында олма.+ 27  Борҹу вермәјә бир шејин олмаса,Алтындан јатағыны апарарлар. 28  Гәдимдән, әҹдадлардан галмаСәрһәд нишаныны јериндән тәрпәтмә.+ 29  Ишиндә уста адамы ҝөрмүсән? О, ади адамларын јох,Падшаһларын һүзурунда дурар.+

Һашијәләр