Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Мәсәлләр 14:1—35

МҮНДӘРИҸАТ

  • Үрәк өз дәрдини билир (10)

  • Јол вар ки, адама дүз ҝөрүнүр (12)

  • Садәлөвһ һәр сөзә инанар (15)

  • Варлы адамын досту чох олар (20)

  • Сакит үрәк ҹаны сағлам едәр (30)

14  Мүдрик гадын евини тикәр,+Ахмаг гадын исә өз әлилә евини дағыдар.   Доғрулуг јолунда јеријән Јеһовадан горхур,Әјри јолун јолчусу исә Она кәҹ бахыр.   Ахмағын сөзләри тәкәббүр дәјәнәјидир,Һикмәтлини исә дили горујар.   Мал-гара олмајанда ахур тәр-тәмиз олур,Амма өкүзүн ҝүҹү илә мәһсул бол олар.   Етибарлы шаһид јалан данышмаз,Јаланчы шаһидинсә нәфәси јаланла ҝедиб-ҝәләр.+   Ришхәндчи һикмәти һеј сораглар, тапмаз,Амма дәрракәли адамын јанына билик өзү ҝәләр.+   Ахмаг адамдан узаг дур,Онун дилиндән ағыллы сөз ешитмәзсән.+   Узагҝөрән тутдуғу јолу һикмәтилә дәрк едәр,Ахмаг исә өз сәфеһлијилә алданар*.+   Ҝүнаһ сәфеһләри әјләндирәр,+Дүз адамлар исә барышыға һазырдыр. 10  Үрәк өз дәрдини билир,Севинҹини дә өзҝәләр дуја билмәз. 11  Шәр адамын еви дағылар,+Дүз адамын исә чадыры абад олар. 12  Јол вар ки, адама дүз ҝөрүнүр,+Амма ахыры өлүмдүр.+ 13  Һәрдән ҝүләндә дә инсанын гәлби ағлар,Бәзән севинҹин дә сону кәдәр олур. 14  Өзбашына адам әмәлләринин нәтиҹәсини бичәр,+Јахшы адам әмәлләринин мүкафатыны алар.+ 15  Садәлөвһ һәр сөзә инанар,Узагҝөрән һәр аддымыны өлчүб-бичәр.+ 16  Мүдрик адам еһтијатлыдыр, шәрдән гачыр,Ахмаг исә башысојугдур, өзүндән разыдыр. 17  Тез өзүндән чыхан ағылсызлыг едәр,+Тәдбирли* адамы да ҹамаатын ҝөзү ҝөтүрмәз. 18  Ҹаһил ахмаглығы ирс алар,Узагҝөрәнин исә башына елмдән таҹ гојулар.+ 19  Пис адам јахшынын габағында,Шәр адам салеһин гапысында әјиләҹәк. 20  Касыбдан гоншуларынын да зәһләси ҝедәр,+Амма варлы адамын досту чох олар.+ 21  Башгасына һәгарәт едән ҝүнаһ ишләјир,Фәгирә рәһм едән бәхтијардыр.+ 22  Мәҝәр фитнә гуранын јоллары долашмаз? Хош мәрамлы инсан мәһәббәтә, сәдагәтә говушар.+ 23  Һәр зәһмәтдә фајда вар,Бош-бош сөһбәтләр исә инсаны еһтијаҹа салар.+ 24  Һикмәтлинин таҹы онун сәрвәтидир,Ахмағын исә иши-ҝүҹү сәфеһликдир.+ 25  Дүрүст шаһид ҹанлары гуртарар,Амма јаланчынын нәфәси јаланла ҝедиб-ҝәләр. 26  Јеһовадан горхан там архајындыр,+Онун өвладлары да пәнаһ тапар.+ 27  Јеһова хофу һәјат чешмәсидир,Инсаны өлүм тәләсиндән узаглашдырар. 28  Тәбәәсинин чохлуғу падшаһын әзәмәтидир,+Тәбәәсиз һөкмдар исә сүгут едәр. 29  Өзүндән тез чыхмајан бәсирәт саһибидир,+Һөвсәләсиз исә сәфеһлијини нүмајиш етдирәр.+ 30  Сакит үрәк ҹаны сағлам едәр,Гысганҹлыг сүмүкләри чүрүдәр.+ 31  Мәзлума бадалаг ҝәлән онун Јараданыны тәһгир едәр,+Касыба мәрһәмәт ҝөстәрән Јарадана шәрәф ҝәтирәр.+ 32  Шәр адамы өз пислији јыхар,Салеһә исә камиллији сығынаҹаг олар.+ 33  Һикмәт дәрракәли инсанын үрәјиндә јува салар,+Амма ахмагларын арасында өзүнү зорла ҝөстәрәр. 34  Салеһлик халгы уҹалдар,+Ҝүнаһ исә ели хар едәр. 35  Падшаһ ағыллы гулундан разы галар,+Амма адбатыран гул онун гәзәбинә туш ҝәләр.+

Һашијәләр

Диҝәр вариант: ахмаг исә башгаларыны алдадар.
Јахуд дүшүнҹәли.