Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Мәрсијәләр 4:1—22

МҮНДӘРИҸАТ

  • Јерусәлимин мүһасирәсинин дәһшәтли нәтиҹәләри

    • Гытлыг (4, 5, 9)

    • Гадынлар ушагларыны бишириб јејир (10)

    • Јеһова гәзәбини төкүб (11)

א [Алеф] 4  Пар-пар јанан гызылын, саф алтунун парылтысы неҹә дә тутгунлашды!+ Мүгәддәс дашлар+ күчәләрә сәпәләнди.+ ב [Бет]   Сионун саф гызыл гәдәр дәјәрли, әзиз оғулларыДулусчу әлиндән чыханСахсы күпләрә тај тутулду. ג [Гимел]   Чаггал белә, баласыны әмиздирир,Халгым исә сәһрадакы дәвәгушу+ кими залымлашыб.+ ד [Далет]   Сусузлугдан сүдәмәр көрпәләрин дили дамағына јапышыб, Ушаглар чөрәк үчүн јалварыр,+ амма бир тикә дә чөрәк верән јохдур.+ ה [Һе]   Бир вахтлар ләзиз тәамларла бәсләнәнләр инди аҹындан күчәләрә сәрилиб.+ Ал либаслар ичиндә боја-баша чатанлар инди күл топаларына сарылыб.+ ו [Вав]   Халгымын чәкдији ҹәза Сәдумун ҝүнаһына ҝөрә чәкдији ҹәзадан бөјүкдүр.+Сәдум бир ан ичиндә алт-үст олмушду, көмәјинә чатан олмамышды.+ ז [Зајн]   Сионун нәзириләри+ гардан тәмиз, сүддән ағ иди, Вүҹудлары мәрҹандан гырмызы иди. Онлар ҹилаланмыш ҝөј јагута бәнзәјирдиләр. ח [Хет]   Инди исә көмүрдән дә гарадырлар,Күчәдә, бајырда танынмаз олублар. Дәриләри сүмүкләринә јапышыб,+ ағаҹтәк гупгуру гурујуб. ט [Тет]   Гылынҹа гурбан ҝедәнләр аҹындан өләнләрдән хошбәхтдир,+Јемәјә һеч нә тапмадығы үчүн ҹанында ҹан галмајан, гырылан адамлардан бәхтијардыр! י [Јуд] 10  Үрәјијуха аналар өз әлләри илә балаларыны биширди.+ Халгымын мүсибәтли ҝүнүндә көрпәләр аналара јас јемәји олду.+ כ [Каф] 11  Јеһова гәзәбини изһар едиб,Гызғын гәзәбини төкүб.+ Сионда од галајыб. Од онун тәмәлләрини јандырыб-јахыр.+ ל [Ламед] 12  Дүнјанын падшаһлары, јерин сакинләри инанмазды ки,Јағылар, дүшмәнләр Јерусәлим дарвазасындан ичәри ҝирәр.+ מ [Мем] 13  Пејғәмбәрләрин ҝүнаһларына ҝөрә, каһинләрин тәгсирләринә ҝөрә бу баш верди.+Онлар шәһәрин ортасында салеһ адамларын ганыны төкүрдүләр.+ נ [Нун] 14  Күчәләрдә кор кими долашырлар.+ Гана булашыблар,+Палтарларына һеч ким тохуна билмир. ס [Самех] 15  Гышгырыб онлара дејирләр: «Узаг дурун! Бизә тохунмајын! Мурдарсыныз! Рәдд олун! Рәдд олун!» Онлар евсиз-ешиксиздирләр, сәрҝәрдан доланырлар. Халглар дејирләр: «Онлар бурада бизимлә гала билмәз.+ פ [Пе] 16  Јеһова онлары пәрән-пәрән салыб.+Бир дә онлара лүтф ҝөстәрмәјәҹәк. Һеч ким каһинләрә һөрмәт гојмајаҹаг,+ ағсаггаллара сајғы ҝөстәрмәјәҹәк».+ ע [Ајн] 17  Индинин өзүндә дә бош јерә көмәк ҝөзләјирик, ҝөзләмәкдән ҝөзләримизин көкү саралыб.+ Бизи гуртара билмәјән халгдан көмәк умдуг, көмәк ҝөзләдик.+ צ [Тсаде] 18  Һәр аддымымызы изләјирләр,+ мејданларда ҝәзә билмирик. Ахырымыз чатыб, өмрүмүз битиб, сонумуз ҝәлиб. ק [Коф] 19  Тәгибчиләр ҝөјдәки гарталлардан итидир.+ Дағларда бизи тәгиб етдиләр, сәһрада бизә пусгу гурдулар. ר [Рејш] 20  Нәфәсимиз, Јеһованын мәсһ олунмушу+ онларын ири чаласында әсирдир.+Бизсә дејирдик: «Онун көлҝәси алтында халглар арасында јашајаҹағыг». ש [Син] 21  Еј Уз дијарында јашајан Әдум гызы,+ севин, шадлан. Амма ҹам сәнә дә өтүрүләҹәк,+ сән дә сәрхош олуб ејиб јерләрини ачаҹагсан.+ ת [Тав] 22  Ҝүнаһынын ҹәзасы битди, еј Сион гызы. О, бир дә сәни сүрҝүнә апармајаҹаг.+ Амма, еј Әдум гызы, Аллаһ тәгсиринә нәзәр јетирәҹәк. Ҝүнаһларыны ашкара чыхараҹаг.+

Һашијәләр