Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Микә 2:1—13

МҮНДӘРИҸАТ

  • Зүлмкарларын вај һалына! (1—11)

  • Аллаһ Исраили топлајаҹаг (12, 13)

    • Исраил сәсли-күјлү олаҹаг (12)

2  Јатағында фитнә-фәсад гуранларын,Јаманлыг үчүн гәсд гуранларын вај һалына! Сәһәр ачылан кими нијјәтләрини иҹра едирләр,Чүнки ҝүҹ әлләриндәдир.+   Тарла истәјирләр, ҝедиб тутурлар,+Ев истәјирләр, ҝедиб әлә кечирирләр.Кишини алдадыб евини әлиндән алырлар,+Мирасына јијәләнирләр.   Буна ҝөрә Јеһова дејир: “Бу нәслин башына елә фәлакәт ҝәтирәҹәјәм ки,+ јаханызы гуртара билмәјәҹәксиниз,+ Даһа дикбаш-дикбаш ҝәзмәјәҹәксиниз,+ чүнки фәлакәт вахты јетишди.+   О ҝүн дилләрдә зәрб-мәсәл олаҹагсыныз,Барәниздә јаныглы мәрсијә охујаҹаглар.+ Дејәҹәкләр: “Бизи сојуб-таладылар!+ О, халгымын пајыны башгаларына верди, ҝөр ону әлимиздән неҹә алды!+ Тарлаларымызы хаинә верир”.   Буна ҝөрә Јеһованын иҹмасында бир адам тапылмајаҹаг ки,Пүшклә бөлүнмүш торпағы иплә өлчсүн.   “Вәз етмәјин!” дејәрәк вәз едирләр,“Бунлар барәдә вәз етмәјин;Рүсвајчылыг бизи һагламаз”.   Еј Јагуб еви, ешитмисән, ҹамаат дејир: “Мәҝәр Јеһованын руһу наразыдыр ки? Һеч О, белә шеј едәр?” Мәҝәр Мәним сөзләрим доғру јолла ҝедәнләрин хејринә дејил?   Дүнән халгым идиниз, бу ҝүн дүшмән кими әлејһимә галхдыныз. Сиз ачыг-ашкар сојғунчулуг едирсиниз:Дөјүшдән дөнәнләр кими архајынлыгла јолдан кечәнләрин палтарыны, ҝөзәл әшјаларыны сојурсунуз*.   Сиз халгымын гадынларыны исти јуваларындан говурсунуз.Өвладларыны ҝөзәл немәтләримдән һәмишәлик мәһрум едирсиниз. 10  Чыхын ҝедин, артыг бура сизин јурдунуз дејил. Бу јер мурдар олдуғундан+ виран галаҹаг, үрәк ағрыдан бир виранәлик олаҹаг.+ 11  Сахта вә бош шејләр далынҹа дүшүб јаландан: “Ҝәл сәнә мејдән, шәрабдан вәз едим”, — дејән кәс Бу халгын хошладығы ваиз олаҹаг!+ 12  Еј Јагуб, һамынызы топлајаҹағам,Исраилин сағ галанларыны мүтләг топлајаҹағам.+ Ағылдакы гојун-гузу кими,Өрүшдәки сүрү кими бир јерә јығаҹағам.+Ора сәсли-күјлү олаҹаг”.+ 13  Онларын өнүндә бир нәфәр ҝедәҹәк, о кечид ачаҹаг,Онлар орадан кечәҹәкләр, гапыдан кечиб чыхаҹаглар.+ Падшаһлары өндә ҝедәҹәк,Башда Јеһова олаҹаг».+

Һашијәләр

Диҝәр вариант: палтарларындан ҝөзәл әшјалары дартыб гопарырсыныз.