Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Зәбур 88:1—18

МҮНДӘРИҸАТ

  • Өлүмдән гуртулмаг диләји

    • Ҹаным Мәзарын кандарындадыр (3)

    • Дуам һәр сәһәр дәрҝаһына галхыр (13)

Гарун оғулларынын мәзмуру.+ Дирижора. Маһалат* үслубунда. Нөвбә илә охумаг үчүн. Әзраһлы Һиманын+ Маскили*. 88  Јеһова, еј гуртулушумун Аллаһы,+Ҝүндүзләр Сәнә јалварырам,Ҝеҹәләр һүзуруна ҝәлирәм.+   Гој дуам Сәнә јетишсин,+Гулағыны фәрјадыма сары әј.+   Дәрд-бәла әлиндән тәнҝә ҝәлмишәм,+Ҹаным Мәзарын* кандарындадыр.+   Гәбрә дүшәнләрин арасында сајылырам,+Бичарә адам олмушам,+   Гәбирдә јатан гәтл олунмушлар кимијәм.Елә бил, мәни өлүләрин арасында атыб ҝедибләр,Артыг јада салмадығын,Гајғындан мәһрум олмушларын арасында.   Мәни ән дәрин гәбрә гојмусан,Зүлмәтә, дибсиз гујуја гәрг етмисән.   Гәзәбин бүтүн ағырлығы илә үстүмә чөкүб,+Сәрт далғаларынла мәни вуруб јыхырсан. (Селаһ)   Дост-танышы мәндән узаглашдырмысан,+Онларда мәнә гаршы икраһ ојатмысан. Мәһбусам, һеч јана чыха билмирәм.   Чәкдијим әзаблардан ҝөзүмүн нуру сөнүб.+ Еј Јеһова, бүтүн ҝүнү Сәни чағырырам,+Әлләрими Сәнә ачмышам. 10  Мәҝәр харигәләрини өлүләрә ҝөстәрәҹәксән? Мәҝәр аҹиз өлүләр галхыб Сәни мәдһ едәҹәк?+ (Селаһ) 11  Мәҝәр мәһәббәтин гәбирдә,Сәдагәтин торпаг алтында бәјан едиләҹәк? 12  Мәҝәр мөҹүзәләрин зүлмәтдә,Әдаләтин унудулмушлар дијарында билинәҹәк?+ 13  Јенә дә, еј Јеһова, Сәндән имдад диләјирәм,+Дуам һәр сәһәр дәрҝаһына галхыр.+ 14  Ахы нијә мәни Өзүндән кәнар едирсән, еј Јеһова?+ Ахы нијә мәндән үз дөндәрирсән?+ 15  Ушаглыгдан мәзлумам,Өлүмүн бир аддымлығындајам,+Вердијин зүлмләрдән кејләшиб галмышам. 16  Аловлу гәзәбин башымдан басыр,+Ваһимәли ишләрин мәни мәһв едир. 17  Сел сулары кими әтрафымы бүрүјүр бүтүн ҝүнү,Һәр тәрәфдән* үстүмә ҝәлир. 18  Достуму, јолдашымы мәндән узаглашдырдын,+Зүлмәт олуб һәмдәмим.

Һашијәләр

Ибр. шеол. Лүғәтә бах.
Диҝәр вариант: һамысы бирдән.