Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Зәбур 86:1—17

МҮНДӘРИҸАТ

  • Јеһова кимиси јохдур

    • Јеһова бағышламаға һазырдыр (5)

    • Бүтүн халглар Јеһованын өнүндә сәҹдә едәҹәк (9)

    • Мәнә Өз јолунда тәлим вер (11)

    • Үрәјими бүтөв ет (11)

Давудун дуасы. 86  Динлә мәни, еј Јеһова, мәнә һај вер,Ахы мәзлумам, јазығам.+   Нә олар, ҹанымы гору, мән ки садигәм.+ Сәнә ҝүвәнән бу бәндәни гуртар,Ахы Сәнсән мәним Аллаһым.+   Бүтүн ҝүнү Сәни чағырырам,+Еј Јеһова, мәнә лүтф ҝөстәр.+   Гулунун көнлүнү севиндир, еј Јеһова,Сәнә үз тутмушам.   Еј Јеһова, кәрамәтлисән,+ бағышлајансан,+Сәни чағыранлара гаршы мәһәббәтин болдур.+   Дуамы динлә, Јеһова,Нә олар, јалварышыма нәзәр сал.+   Дар ҝүнүмдә Сәни чағырырам,+Билирәм, Сән мәни ҹавабсыз гојмазсан.+   Еј Јеһова, аллаһлар арасында Сәнин кимиси јохдур,+Әмәлләринин тајы-бәрабәри јохдур.+   Хәлг етдијин бүтүн халгларҺүзуруна ҝәлиб өнүндә сәҹдә едәҹәк, еј Јеһова,+Сәнин адыны мәдһ едәҹәк.+ 10  Чүнки бөјүксән, харигәләр јарадырсан,+Јалныз Сәнсән Аллаһ!+ 11  Јеһова, мәнә Өз јолунда тәлим вер,+ Һәгигәтиндә аддымлајым.+ Үрәјими бүтөв ет ки, адындан горхум.+ 12  Јеһова Аллаһым, бүтүн гәлбимлә Сәни уҹалдырам,+Әбәдијјән адыны мәдһ едәҹәјәм, 13  Чүнки мәнә бәсләдијин мәһәббәт бөјүкдүр,Ҹанымы Мәзарын* дибиндән азад етдин.+ 14  Еј Аллаһым, гүррәлиләр әлејһимә галхыр,+Залымлар дәстәси ҹаныма гәсд едир,Сәни сајмыр онлар.+ 15  Амма Сән, еј Јеһова, рәһмли, мәрһәмәтли Аллаһсан,Сәбирлисән, мәһәббәтин, сәдагәтин болдур.+ 16  Мәнә тәрәф дөн, мәнә лүтф ҝөстәр.+ Нә олар, бу бәндәнә гүввәт вер,+Кәнизинин оғлуну хилас ет. 17  Кәрамәтиндән мәнә бир нишан вер,Гој мәнә нифрәт едәнләр буну ҝөрүб утансын. Чүнки, еј Јеһова, јардымчым, тәсәллим Сәнсән.

Һашијәләр

Ибр. шеол. Лүғәтә бах.