Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Зәбур 74:1—23

МҮНДӘРИҸАТ

  • Халгыны јада салмасы үчүн Аллаһа јалварыш

    • Аллаһын вердији мөһтәшәм гуртулушлар (12—17)

    • Дүшмәнин ришхәндләрини унутма (18)

Маскил*. Асәфин мәзмуру.+ 74  Аһ Аллаһым, нијә бизи һәмишәлик тәрк етдин?+ Нијә өрүшүнүн сүрүсүнә гаршы гәзәбин күкрәјир?+   Гәдим заманларда саһиб олдуғун халгы,+Фидјә илә гуртарыб Өзүнүнкү етдијин гәбиләни,+ Мәскән етдијин Сион дағыны+ јада сал.   Аддымларыны әбәди хараба галмыш јерләрә дөндәр,+ Дүшмән мүгәддәс мәканы виран гојуб.+   Дүшмәнләрин ибадәтҝаһынын ортасында нәрә чәкирди,+ Бајрагларыны ора санҹыблар.   Онлар галын мешәјә балта чаланлара бәнзәјирди.   Мүгәддәс мәканынын ојма нахышларыны+ балтајла, линҝлә гырыб-төкдүләр,   Мүгәддәс мәканына од вурдулар,+ Адыны дашыјан чадыры учуруб мурдарладылар.   Онлар вә өвладлары үрәкләриндә дедиләр: «Аллаһын бу торпагдакы бүтүн ибадәтҝаһларыны јандырыб күл едәҹәјик!»   Даһа бир пејғәмбәр галмајыб,Бир әламәт ҝөрмүрүк.Нә вахтадәк белә олаҹаг, һеч биримиз билмирик. 10  Еј Аллаһ, нә вахтадәк дүшмән Сәнә ришхәнд едәҹәк?+ Јохса сонсузадәк јағы Сәнин адына күфр едәҹәк?+ 11  Ахы нә үчүн әлини, сағ әлини тутуб сахлајырсан?+ Ону гојнундан чыхарт, онлары мәһв ет. 12  Фәгәт Аллаһ әзәлдән мәним падшаһымдыр,Дүнјада мөһтәшәм гуртулушлар ҝөстәрән Одур.+ 13  Сән ҝүҹүнлә дәнизи тәлатүмә ҝәтирдин,+Дәниз әждаһаларынын башларыны суда гырдын. 14  Ливјатанын* башларыны әзиб хынҹым-хынҹым етдин,Ону сәһра сакинләринә јем етдин. 15  Сән булаглар ачдын, сулары ахытдын,+Гурумајан чајлары гурутдун.+ 16  Ҝүндүз дә Сәниндир, ҝеҹә дә Сәнин, Ишығы да, ҝүнәши дә Сән јаратмысан.+ 17  Јерин һүдудларыны ҹызан,+Јајы да, гышы да јарадан Сәнсән.+ 18  Еј Јеһова, унутма, дүшмәнин ришхәндләрини,Надан бир халг Сәнин адына күфр едир.+ 19  Өз гумру гушунун ҹаныны јыртыҹы һејвана вермә, Мәзлум бәндәләринин һәјатыны һәмишәлик унутма. 20  Бизимлә бағладығын әһди јада сал,Чүнки дүнјанын гаранлыг јерләри зоракылыг јувасына дөнүб. 21  Гојма әзиләнләр хар олсун,+Гој мәзлумлар, фағырлар Сәнин адыны мәдһ етсин.+ 22  Галх, еј Аллаһ, гој әдаләт бәргәрар олсун, Наданын бүтүн ҝүнү Сәнә ришхәнд етдијини унутма.+ 23  Дүшмәнләринин сөзләрини унутма, Сәни сајмајанларын һарајы кәсилмир.

Һашијәләр