Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Зәбур 72:1—20

МҮНДӘРИҸАТ

  • Аллаһын гојдуғу падшаһын динҹ һөкмранлығы

    • «Салеһ адам чичәкләнәҹәк» (7)

    • Сәлтәнәти дәниздән-дәнизә узанаҹаг (8)

    • Инсанлары зоракылыгдан гуртараҹаг (14)

    • Јердә чөрәк бол олаҹаг (16)

    • Гој ады даим јашасын (17)

Сүлејман барәдә. 72  Еј Аллаһ, падшаһа һөкмләрини өјрәт,Падшаһ оғлуна әдаләтиндән пај вер.+   Гој халгынын ишинә инсафла бахсын,Мәзлумларына адил һөкм чыхарсын.+   Гој дағлар халга сүлһ ҝәтирсин,Тәпәләр салеһлик ҝәтирсин.   Гој падшаһ халгын фағырларынын ишинә бахсын,Касыб-күсубун баласыны горусун,Гәсбкары исә әзиб-тапдаласын.+   Ҝүнәш вар олдугҹа,Ај јериндә дурдугҹа,Нәсилләр бојунҹа Сәндән горхаҹаглар.+   Падшаһ бичилмиш чәмәнә јаған јағыш кими,Торпағы сулајан бәрәкәтли јағмур кими олаҹаг.+   Онун дөврүндә салеһ адам чичәкләнәҹәк,+Ај дурдугҹа һәр јанда сүлһ олаҹаг.+   Сәлтәнәти дәниздән-дәнизә,Чајдан* тутмуш та дүнјанын һүдудларынадәк узанаҹаг.+   Сәһраларын мәскунлары она тәзим едәҹәк,Дүшмәнләри торпағы јалајаҹаг.+ 10  Таршиш вә ада падшаһлары хәраҹ ҝәтирәҹәк,+ Сәба вә Сиба падшаһлары бәхшиш верәҹәк.+ 11  Бүтүн падшаһлар она тәзим едәҹәк,Бүтүн халглар гуллуғунда дураҹаг. 12  О, имдад дејиб чағыран фағыры,Мәзлуму, бичарәни хилас едәҹәк. 13  О, фағыр-фүгәранын һалына аҹыјаҹаг,Фәгирләрин ҹаныны хилас едәҹәк. 14  Ҹанларыны зүлмдән, зоракылыгдан гуртараҹаг,Ганлары онун ҝөзүндә дәјәрли олаҹаг. 15  Јашасын падшаһ! Сәба гызылындан она пај верилсин,+ Онун ҹанына даим дуа едилсин,Һәр ҝүн шәнинә тәриф дејилсин. 16  Јердә чөрәк* бол олаҹаг,+Дағ башында зәмиләр ашыб-дашаҹаг. Онун мәһсулу Ливан мешәситәк бол олаҹаг,+Шәһәр ҹамааты от-чичәк кими ҝөјәрсин.+ 17  Гој ады даим јашасын,+Ҝүнәш вар олдугҹа о да парласын, Сајәсиндә инсанлар хејир-бәрәкәт тапсын,+Бүтүн халглар ону бәхтәвәр чағырсын. 18  Алгыш олсун, Јеһова Аллаһа, Исраилин Аллаһына,+Һејрәт доғуран ишләрин јеҝанә Јараданына!+ 19  Алгыш олсун, даима Онун уҹа адына,+Ҹалалы бүтүн јер үзүнү бүрүсүн,+ Амин! Амин! 20  Јәссә оғлу Давудун+ дуалары бурада битир.

Һашијәләр

Фәрат чајы.
Һәрфән: тахыл.