Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Зәбур 71:1—24

МҮНДӘРИҸАТ

  • Аһылларын ҝүвәнҹи

    • «Та ҝәнҹлијимдән ҝүвәнҹим Сәнсән» (5)

    • «Ҝүҹүм түкәнәндә мәни тәрк етмә» (9)

    • «Аллаһым, ҝәнҹлијимдән бәри мәнә тәрбијә верирсән» (17)

71  Сәнә сығынмышам, еј Јеһова, Һеч вахт мәни хәҹаләтли гојма.+   Әдаләтинлә мәни гуртар, ниҹат вер. Нә олар, гулағыны мәнә тәрәф әј, мәни хилас ет.+   Гаја үзәриндә гала ол мәнә,Һәр вахт ора ҝирә билим. Нә олар, хиласым үчүн әмр вер,Ахы јалчын гајам, истеһкамым Сәнсән.+   Еј Аллаһым, мәни шәр адамын әлиндән,Инсафсыз залымын пәнҹәсиндән гуртар,+   Чүнки үмидим Сәнсән, еј Күлли-Ихтијар Јеһова,Та ҝәнҹлијимдән ҝүвәнҹим Сәнсән.+   Доғулдуғум ҝүндән Сәнә ҝүвәнмишәм,Анамын бәтниндән мәни чыхаран Сәнсән,+ Даима Сәнә алгыш дејәҹәјәм.   Чохлары мәнә һејрәтлә бахыр,Амма Сән мөһкәм сығынаҹағымсан.   Дилим алгышла долудур,+Ҝеҹә-ҝүндүз Сәнин ҹалалындан данышыр.   Јаша доланда мәни атма,+Ҝүҹүм түкәнәндә мәни тәрк етмә.+ 10  Чүнки дүшмәнләрим әлејһимә данышыр,Ҹанымын гәсдинә дуранлар бирҝә мәсләһәтләшир.+ 11  Дејирләр: «Аллаһ ону тәрк едиб, Ону ҝүдүб јахалајаг, онсуз да дадына чатан олмајаҹаг».+ 12  Еј Аллаһ, мәндән узаг дурма, Еј Аллаһым, имдадыма чат.+ 13  Мәнимлә дүшмәнчилик едәнләрБиабыр олсунлар, јох олсунлар.+ Бәдбәхтлијими истәјәнләр,Рүсвај олуб јерә ҝирсинләр.+ 14  Мән исә һеј Сәни ҝөзләрәм,Сәни мәдһ етдикҹә, мәдһ едәрәм. 15  Сәнин әдаләтин дилимдән дүшмүр,+Вердијин гуртулушлардан данышырам ҝеҹә-ҝүндүз,Һәрчәнд онлары сајмагла гуртармаз.+ 16  Еј Күлли-Ихтијар Јеһова,Ҝәлиб Сәнин гүдрәтли ишләриндән данышаҹағам,Сәнин, јалныз Сәнин әдаләтиндән данышаҹағам. 17  Еј Аллаһым, ҝәнҹлијимдән бәри мәнә тәрбијә верирсән,+Бу ҝүнәдәк һејрәт доғуран ишләрин дилимдәдир.+ 18  Гоҹалыб сачым ағаранда да мәни тәрк етмә, еј Аллаһ,+ Гој ҝәләҹәк нәслә дә гүввәтли голундан данышым,Сонракы нәсилләрә гүдрәтини сөјләјим.+ 19  Әдаләтин ҝөјләрә уҹалыр, еј Аллаһ,+Еј Аллаһ, неҹә бөјүк ишләр ҝөрмүсән!Сәнин кимиси вармы?+ 20  Һәрчәнд мәнә чохлу сыхынтылар, бәлалар ҝөстәрдин,+Мәни јенидән дирчәлт,Јерин дибиндән чәкиб чыхар.+ 21  Шан-шөһрәтими артыр,Јенә мәни гору, јенә тәсәлли вер. 22  Онда Сәни телли аләтдә вәсф едәрәм,Чүнки садигсән, еј Аллаһым.+ Сәни чәнҝдә тәрәннүм едәрәм,Еј Исраилин Мүгәддәси. 23  Дил-додағым шөвглә Сәнә нәғмә дејәр,+Чүнки ҹанымы хилас етдин.+ 24  Сәнин әдаләтин ҝеҹә-ҝүндүз дилимдән дүшмәјәҹәк,+Өлүмүмү арзулајанлар рүсвај олаҹаг, хар олаҹаглар.+

Һашијәләр