Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Зәбур 69:1—36

МҮНДӘРИҸАТ

  • Давуд гуртулуш һагда дуа едир

    • «Евинин гејрәти мәни јандырыб-јахыр» (9)

    • «Тезликлә мәнә ҹаваб вер» (17)

    • «Мәнә сиркә вердиләр» (21)

Дирижора. «Занбаглар» үчүн. Давудун мәзмуру. 69  Гуртар мәни, еј Аллаһ, сулар боғазыма чыхыб.+   Дәрин батаглыға дүшмүшәм, ајағымын алтында бәрк јер јохдур.+ Дәрин сулара дүшмүшәм,Ҝүҹлү ахын апарыр мәни.+   Фәрјад етмәкдән тагәтим кәсилиб,+Боғазым гурујуб. Аллаһымы ҝөзләмәкдән ҝөзләримин көкү саралыб.+   Мәнә наһагдан нифрәт едәнләр+Башымын түкүндән чохдур, Наһагдан дүшмән кәсиләнләр,Мәни сүкута гәрг етмәк истәјәнләр чохалыб. Ҝөтүрмәдијим шејләри гајтармалы олдум.   Еј Аллаһым, ағылсызлыг етдијими билирсән,Ҝүнаһларым Сәндән ҝизли дејил.   Еј Күлли-Ихтијар, еј ордулар Аллаһы Јеһова,Гој Сәнә үмид бағлајанлар мәнә ҝөрә утанмасын. Еј Исраилин Аллаһы,Гој Сәни ахтаранлар мәнә ҝөрә хар олмасын.   Сәнин уғрунда тәһгирләрә дөзүрәм,+Үзүмү рүсвајчылыг бүрүјүб.+   Гардашларыма јад,Анамын оғулларына өзҝә олмушам.+   Евинин гејрәти мәни јандырыб-јахыр,+Сәнә гаршы дејилән тәһгирләрә мән туш ҝәлирәм.+ 10  Оруҹ тутуб тәвазө етдим*,Мәни тәһгир етдиләр. 11  Палтар әвәзинә чул ҝејинәндәДилә-дишә дүшдүм. 12  Шәһәр дарвазасында отуранлар һеј мәндән данышырлар,Әјјашлар мәнә маһны гошурлар. 13  Гој дуаларым, еј Јеһова,Сәнә илтифат вахты чатсын.+ Бөјүк хејирхаһлығына ҝөрә, еј Аллаһ,Мүтләг ниҹатынла мәнә һај вер.+ 14  Чыхар батаглыгдан мәни,Гојма батым. Дүшмән әлиндән,Дәрин сулардан гуртар мәни.+ 15  Гојма ҝүҹлү ахын мәни апарсын,+Гојма үмман мәни удсун,Гујунун ағзы үзәримә гапансын.+ 16  Еј Јеһова, мәнә һај вер, чүнки мәһәббәтин шириндир,+ Бөјүк мәрһәмәтинлә үзүмә бах.+ 17  Бу гулундан үз дөндәрмә,+ Дардајам, нә олар, тезликлә мәнә ҹаваб вер.+ 18  Јетиш, ҹанымы хилас ет,Дүшмәнләрдән мәни гуртар. 19  Ҝөрдүјүм тәһгирләрдән, хәҹаләтдән, рүсвајчылыгдан аҝаһсан,+ Мәнә дүшмән кәсиләнләр ҝөзүнүн габағындадыр. 20  Тәһгирләр үрәјими дешди, јарам сағалмаздыр, Һалыма јанан ахтардым, тапылмады,+Һеј ҝөзләдим, тәсәлли верән олмады.+ 21  Мәнә јемәк әвәзинә зәһәр вердиләр,+Сусајанда сиркә вердиләр.+ 22  Гој сүфрәләри онлара тор олсун,Фираванлыглары онлара тәлә олсун.+ 23  Ҝөзләри тор салсын, ҝөрә билмәсинләр.Гој гычларыны әсмәҹә тутсун. 24  Һирсини онларын башына төк,Аловлу гәзәбин онлары јахаласын.+ 25  Обалары бош галсын,Чадырларында кимсә јашамасын.+ 26  Сәнин вурдуғун адамы тәгиб едирләр,Јараладығын кәсин ағрыларындан данышыб һәзз алырлар. 27  Онларын тәгсиринин үстүнә тәгсир ҝәтир,Гој Сәнин салеһлијиндән онлара пај дүшмәсин. 28  Адлары һәјат китабындан силинсин,+Салеһләрлә бирҝә јазылмасын.+ 29  Сыхынты ичиндәјәм, ағры ичиндәјәм,+ Еј Аллаһ, гој гуртарыҹы ҝүҹүн мәни һифз етсин. 30  Аллаһын адыны нәғмәләрдә тәрәннүм едәҹәјәм,Ону һәмдләрлә уҹалдаҹағам. 31  Бу, Јеһоваја буға гурбанларындан,Бујнузлу-дырнаглы ҹөнҝәләрдән даһа хошдур.+ 32  Һәлимләр буну ҝөрүб севинәҹәк. Еј Аллаһы ахтаранлар, гој үрәјиниз дирчәлсин. 33  Чүнки Јеһова фағырлары ешидир,+Әсирликдә олан халгыны унутмаз.+ 34  Гој ҝөј вә јер,Дәнизләр вә ичиндәки мәхлуглар Она алгыш етсин.+ 35  Аллаһ Сиону хилас едәҹәк,+Јәһуда шәһәрләрини тәзәдән тикәҹәк,Онлар орада јашајаҹаг, о торпаға саһиб олаҹаглар. 36  Гулларынын өвладлары ораны мирас алаҹаг,+Адыны севәнләр орада јашајаҹаг.+

Һашијәләр

Диҝәр вариант: ағлајыб оруҹ тутдум.