Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Зәбур 38:1—22

МҮНДӘРИҸАТ

  • Төвбәкарын дуасы

    • «Кәдәр мәни чулғајыб» (6)

    • Јеһова Ону ҝөзләјәнләри ешидир (15)

    • «Ҝүнаһым уҹбатындан өзүмә јер тапмырдым» (18)

Давудун мәзмуру. Өјүд. 38  Еј Јеһова, мәни гәзәблә тәнбеһ етмә,Һиддәтлә ислаһ етмә мәни.+   Охларын ичимә санҹылыб,Әлин үзәримдә ағырдыр.+   Гәзәбиндән бүтүн бәдәним ағрыјыр, Ҝүнаһым уҹбатындан раһатлығымы итирмишәм.+   Тәгсирләрим башымдан ашыр,+Санки, ағыр јүкдүр, дашымаг олмур.   Ағылсызлығым уҹбатынданЈараларым иринләјиб, иј верир.   Кәдәр мәни чулғајыб, гәддим тамам бүкүлүб,Бүтүн ҝүнү гәмли-гәмли ҝәзирәм.   Ичим од тутуб јаныр,Бүтүн бәдәним ағрыјыр.+   Тагәтдән дүшдүм, бүсбүтүн әзилмишәм,Гәлбимин сызылтысындан фәған едирәм.   Еј Јеһова, арзу-диләјим өнүндәдир,Аһ-зарым Сәндән ҝизли дејил. 10  Үрәјим чырпыныр, тагәтим кәсилиб,Ҝөзүмүн нуру сөнүб.+ 11  Дост-ашна азарымы ҝөрүб мәндән ҝен ҝәзир,Таныш-билиш узагда дурур. 12  Ҹанымын гәсдинә дуранлар мәнә тәлә гурурлар,Мәни јыхмаг истәјәнләр әлејһимә данышырлар,+Сәһәрдән ахшамадәк пыч-пыч едиб һијлә гурурлар. 13  Мән исә, елә бил, карам, ешитмирәм,+Санки, дилим лалдыр, ағзымы ачмырам.+ 14  Гулаглары ешитмәјән,Мүдафиә үчүн сөзү олмајан адам кими олмушам. 15  Чүнки Сәни ҝөзләјирдим, еј Јеһова,+Сән дә һај вердин, еј Аллаһым Јеһова.+ 16  Дедим: «Гојма бәдбәхтлијимә севинсинләр,Ајағым сүрүшәндә өнүмдә гүррәләнсинләр». 17  Аз гала јыхылаҹагдым,Изтирабым һәмишә мәнимлә иди.+ 18  Тәгсирими ачыб данышдым,+Ҝүнаһым уҹбатындан өзүмә јер тапмырдым.+ 19  Дүшмәнләрим ҝүмраһдыр, ҝүҹлүдүр*,Наһагдан мәнә нифрәт едәнләр чохалыб. 20  Јахшылығымын әвәзини јаманлыгла гајтардылар,Јахшылыг далынҹа дүшдүјүмчүн әлејһимә чыхдылар. 21  Јеһова, мәни тәрк етмә, Узаг дурма мәндән, еј Аллаһым.+ 22  Имдадыма тез јетиш,Еј мәним гуртулушум, Јеһова!+

Һашијәләр

Диҝәр вариант: наһагдан мәнә дүшмән кәсиләнләр чохдур.