Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Зәбур 33:1—22

МҮНДӘРИҸАТ

  • Јараданын мәдһи

    • «Шәнинә јени нәғмә охујун» (3)

    • Јеһованын сөзү вә нәфәси илә јараныблар (6)

    • Јеһованын халгы бәхтијардыр (12)

    • Јеһованын ҝөзү ондан горханларын үзәриндәдир (18)

33  Еј салеһләр, Јеһованын ишләринә ҝөрә севиниб-шадланын!+ Дүрүст адамын дилинә Аллаһа тәриф јарашыр.   Чәнҝ* чалыб Јеһоваја һәмд един,Он телли аләтдә Ону тәрәннүм един.   Шәнинә јени нәғмә охујун,+Ҝөзәл чалын, шән сәсинизи јүксәлдин.   Чүнки Јеһованын сөзү доғрудур,+Бүтүн ишләри етибарлыдыр.   Јеһова салеһлији, әдаләти севир.+ Мәһәббәти јер үзүнү бүрүјүб.+   Ҝөјләр Јеһованын сөзү илә,Орада оланлар ағзынын нәфәси илә јаранды.+   Дәниз суларына, санки, бәнд чәкиб сахлар,+Чағлајан сулары анбарлара јығар.   Гој бүтүн дүнја Јеһовадан горхсун,+ Јер үзүндә јашајанлар ләрзәјә ҝәлсин.   Чүнки О деди, һәр шеј вар олду,+Әмр етди, һәр шеј бәргәрар олду.+ 10  Јеһова халгларын нијјәтини алт-үст етди,+Үммәтләрин тәдбирини пуча чыхарды.+ 11  Јеһованын гәрарлары исә әбәди дурар,+Гәлбинин дүшүнҹәләри нәсилдән-нәслә јашар. 12  Аллаһы Јеһова олан халг нә бәхтијардыр!+Онун Өзүнә мүлк етдији халг нә бәхтијардыр!+ 13  Јеһова ҝөјләрдән сејр едир,Бүтүн бәшәр оғулларыны ҝөрүр.+ 14  Мәскәниндән дүнјанынБүтүн сакинләринә бахыр. 15  Һәр гәлби шәклә салан,Һәр кәсин ишинә гијмәт верән Одур.+ 16  Һеч бир падшаһ гошунунун чохлуғу илә гуртулмаз,+Ҝүҹ-гүввәт иҝиди хилас етмәз.+ 17  Гуртулуш* үчүн ата ҝүвәнмәк әбәсдир,+Бөјүк ҝүҹү гуртулуша зәманәт вермәз. 18  Јеһованын ҝөзү Ондан горханларын,Ондан мәһәббәт уманларын үзәриндәдир ки,+ 19  Ҹанларыны өлүмдән гуртарсын,Гытлыг заманы онлары сағ сахласын.+ 20  Гәлбимиз Јеһованы ҝөзләр, Одур јардымчымыз, одур галханымыз.+ 21  Көнлүмүз Онунла севинәр,Онун мүгәддәс адына тәвәккүл едирик.+ 22  Еј Јеһова, мәһәббәтини биздән әсирҝәмә,+Чүнки Сәнә үмид бағламышыг.+

Һашијәләр

Ибр. киннор. Гәдим јәһудиләрдә симли аләт.
Јахуд гәләбә.