Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Зәбур 32:1—11

МҮНДӘРИҸАТ

  • Хош о кәсин һалына ки, бағышланыр

    • «Ҝүнаһымы Сәнә етираф етдим» (5)

    • Аллаһ өјрәдир (8)

Давудун мәзмуру. Маскил*. 32  Хош о кәсин һалына ки, асилији бағышланыр, ҝүнаһы әфв олунур.+   Хош о кәсин һалына ки, Јеһова ону тәгсирли билмәз,+Гәлбиндә һијлә јохдур.   Мән сусдугҹа бүтүн ҝүнү инилдәдим, сүмүкләрим әриди.+   Ҝеҹә-ҝүндүз әлин* үзәримдә ағыр јүк олду,+ Јајын истисиндә бухарланан су кими, ҝүҹүм јох олду. (Селаһ)   Нәһајәт, ҝүнаһымы Сәнә етираф етдим,Тәгсирими ҝизләтмәдим.+ Дедим: «Јеһоваја ҝүнаһларымы ачым».+ Сән дә ҝүнаһларымдан кечдин.+ (Селаһ)   Буна ҝөрә садиг бәндәләр Сәнә дуа едәҹәк,+Һәлә вахт вар икән Сәни ахтараҹаглар.+ Һәтта ашыб-дашан сулар онлары апармаз.   Пәнаһҝаһым Сәнсән,Мәни бәладан горујарсан,+ Мәни гуртулуш сәдалары илә дөврәләјәрсән.+ (Селаһ)   Дедин: «Сәни өјрәдәҹәјәм, доғру јола јөнәлдәҹәјәм,+ Сәнә нәсиһәт верәҹәјәм, ҝөзүм үстүндә олаҹаг.+   Ат кими, гатыр кими шүурсуз олма.+Онларын дәлисовлуғу ҹилов, нохта илә рам едиләр,Јохса јанына ҝәлмәзләр». 10  Писләрин башы чох ағры чәкәр,Јеһоваја ҝүвәнәнләри исә Онун мәһәббәти әһатә едәр.+ 11  Еј салеһләр, севинҹиниз Јеһова олсун, шадланын,Үрәјидүз оланлар, севинҹдән һарај салын!

Һашијәләр

Јахуд наразылығын.