Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Вәһј 8:1—13

МҮНДӘРИҸАТ

  • Једдинҹи мөһүр ачылыр (1—6)

  • Илк дөрд кәрәнај чалыныр (7—12)

  • Үч вај хәбәри (13)

8  Гузу+ једдинҹи мөһүрү ачанда+ ҝөјә тәхминән јарым саатлыг сүкут чөкдү.  Мән Аллаһын гаршысында дуран једди мәләји+ ҝөрдүм. Онлара једди кәрәнај верилди.  Сонра башга бир мәләк ҝәлиб гурбанҝаһын+ јанында дурду. Онун әлиндә гызыл бухурдан+ варды. Она чохлу бухур верилди вә о, бу бухуру бүтүн мүгәддәсләрин дуалары илә бирликдә тахтын гаршысындакы гызыл гурбанҝаһда+ тәгдим етмәли иди.  Мәләјин әлиндәки бухурун түстүсү мүгәддәсләрин дуалары илә бирликдә+ Аллаһын һүзуруна јүксәлди.  Бундан дәрһал сонра мәләк бухурданы гурбанҝаһдакы одла долдуруб јер үзүнә атды. Бирдән ҝөј ҝурулдады, шимшәкләр чахды,+ сәсләр ҝәлди вә зәлзәлә олду.  Једди мәләк кәрәнајлары+ чалмаға һазырлашды.  Биринҹи мәләк кәрәнајыны чалды. Бу заман ган гарышыг долу вә алов әмәлә ҝәлиб јер үзүнә јағды.+ Јерин үчдә бири, ағаҹларын үчдә бири вә бүтүн јашыл биткиләр јанды.+  Сонра икинҹи мәләк кәрәнајыны чалды. Бирдән нәһәнҝ даға охшар бир шеј алов ичиндә дәнизә+ атылды. Дәнизин үчдә бири гана дөндү,+  дәниздә јашајан ҹанлыларын үчдә бири өлдү,+ ҝәмиләрин үчдә бири парчаланды. 10  Сонра үчүнҹү мәләк кәрәнајыны чалды. Ҝөјдән чырагтәк јанан бөјүк бир улдуз чајларын вә булагларын үчдә биринә дүшдү.+ 11  О улдузун ады Јовшандыр. Суларын үчдә бири јовшан кими аҹылашды+ вә буна ҝөрә хејли адам өлдү. 12  Сонра дөрдүнҹү мәләк кәрәнајыны чалды. Ҝүнәшин, ајын вә улдузларын үчдә биринә зәрбә вурулду+ ки, онларын үчдә бири гаралсын,+ ҝүндүзүн дә, ҝеҹәнин дә үчдә бири гаранлыгда галсын. 13  Сонра мән ҝөј үзүндә учан бир гартал ҝөрдүм вә онун уҹадан дедији бу сөзләри ешитдим: «Галан үч мәләјин чалаҹағы кәрәнајларын сәсинә ҝөрә јердә јашајанларын вај һалына, вај һалына, вај һалына!+ Чүнки онлар кәрәнајларыны чалмаға һазырлашырлар».+

Һашијәләр