Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Вәһј 7:1—17

МҮНДӘРИҸАТ

  • Дөрд мәләк дағыдыҹы күләкләри тутуб сахлајыр (1—3)

  • 144 000 мөһүрләнир (4—8)

  • Әјинләриндә ағ либас олан бөјүк издиһам (9—17)

7  Бундан сонра јерин дөрд күнҹүндә дурмуш дөрд мәләк ҝөрдүм. Онлар јерин дөрд күләјини тутуб сахламышдылар ки, јерин, дәнизин вә ағаҹларын үзәринә һеч бир күләк әсмәсин.  Сонра ҝүндоғандан галхан башга бир мәләк ҝөрдүм. Бу мәләкдә вар олан Аллаһын мөһүрү варды. О, јерә вә дәнизә зәрәр вурмаг тапшырығы алмыш дөрд мәләјә уҹадан деди:  «Биз Аллаһымызын гулларынын алнына мөһүр басмајынҹа+ јерә, дәнизә вә ағаҹлара зәрәр вурмајын».+  Исраил оғулларынын һәр гәбиләсиндән+ мөһүрләнмишләрин сајыны ешитдим. Онларын үмуми сајы 144 000 нәфәр+ иди.  Јәһуда гәбиләсиндән 12 000 нәфәр;Рубән гәбиләсиндән 12 000 нәфәр;Ҹад гәбиләсиндән 12 000 нәфәр;  Ашир гәбиләсиндән 12 000 нәфәр;Нифталы гәбиләсиндән 12 000 нәфәр;Мәнәссә+ гәбиләсиндән 12 000 нәфәр;  Шәмун гәбиләсиндән 12 000 нәфәр;Лави гәбиләсиндән 12 000 нәфәр;Јәсакир гәбиләсиндән 12 000 нәфәр;  Зәбулун гәбиләсиндән 12 000 нәфәр;Јусиф гәбиләсиндән 12 000 нәфәр;Бинјамин гәбиләсиндән 12 000 нәфәр мөһүрләнмишди.  Сонра бахдым вә будур: һәр халга, һәр тајфаја, һәр үммәтә вә һәр дилә мәнсуб адамлардан ибарәт,+ һеч кәсин сајмаға гадир олмадығы бөјүк бир издиһам. Онлар әјинләриндә ағ либас,+ әлләриндә хурма будаглары тахтын вә Гузунун гаршысында дурмушдулар.+ 10  Бу адамлар уҹадан дејирдиләр: «Хиласымыза ҝөрә тахтда отуран+ Аллаһымыза вә Гузуја борҹлујуг».+ 11  Бүтүн мәләкләр тахты, ағсаггаллары+ вә дөрд мәхлугу дөврәјә алмышдылар. Онлар тахтын гаршысында үзүстә гапаныб Аллаһа сәҹдә етдиләр вә 12  дедиләр: «Амин! Алгыш, ҹалал, һикмәт, шүкран, шәрәф, гүдрәт вә ҝүҹ әбәдијјәт боју Аллаһымызын олсун!+ Амин!» 13  О заман ағсаггаллардан бири мәндән сорушду: «Бу ағ либаслы адамлар кимдир,+ һарадан ҝәлибләр?» 14  Мән дәрһал дедим: «Аға, сән биләрсән». О деди: «Бунлар бөјүк мүсибәтдән+ чыханлардыр. Онлар либасларыны Гузунун ганында јујуб ағардыблар.+ 15  Буна ҝөрә дә онлар Аллаһын тахты гаршысындадырлар вә ҝеҹә-ҝүндүз Онун мәбәдиндә Она гуллуг едирләр. Тахтда отуран+ чадырыны онларын үзәринә чәкәҹәк.+ 16  Онлар даһа аҹмајаҹаг, һеч вахт сусамајаҹаглар. Онлары ҝүн вурмајаҹаг вә гызмар исти јандырмајаҹаг.+ 17  Чүнки тахтын јанында дуран Гузу+ онлары отараҹаг+ вә һәјат сују булагларына апараҹаг.+ Аллаһ онларын ҝөзләриндән бүтүн јашлары силәҹәк».+

Һашијәләр