Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Вәһј 5:1—14

МҮНДӘРИҸАТ

  • Једди мөһүрлү тумар (1—5)

  • Гузу тумары ҝөтүрүр (6—8)

  • Гузу мөһүрләри ачмаға лајигдир (9—14)

5  Мән тахтда отуранын+ сағ әлиндә бир тумар ҝөрдүм. Тумар о үз-бу үз јазылы иди вә једди мөһүрлә бәрк-бәрк мөһүрләнмишди.  Сонра мән ҝүҹлү бир мәләк ҝөрдүм. О, ҝур сәслә сорушду: «Тумары ачмаға, мөһүрләрини гопармаға ким лајигдир?»  Лакин нә ҝөјдә, нә јердә, нә дә јерин алтында тумары ачыб она бахмаға гадир олан бир кимсә тапылмады.  Мән чох ағладым, чүнки тумары ачыб она бахмаға лајиг бир кимсә јох иди.  Онда ағсаггаллардан бири мәнә деди: «Бәсдир, даһа ағлама. Јәһуда гәбиләсиндән+ олан Шир, Давудун+ көкү+ галиб ҝәлди.+ О, тумары вә једди мөһүрү ачмаға лајигдир».  Мән тахтын, дөрд мәхлугун вә ағсаггалларын арасында+ дурмуш бир гузу+ ҝөрдүм. Гузу, санки, өлдүрүлмүшдү.+ Онун једди бујнузу вә једди ҝөзү вар иди. Бу ҝөзләр Аллаһын дүнјаја ҝөндәрилмиш једди руһуну тәмсил едир.+  О, ҹәлд ҝедиб тахтда отуранын+ сағ әлиндән тумары алды.  Тумары ҝөтүрәндә дөрд мәхлуг вә ијирми дөрд ағсаггал+ Гузунун гаршысында диз чөкдүләр. Онларын һәр бири әлиндә чәнҝ вә бухурла долу гызыл ҹам тутмушду. Бухур мүгәддәсләрин дуаларыны тәмсил едир.+  Онлар јени маһны охујурдулар:+ «Сән тумары ҝөтүрүб онун мөһүрләрини ачмаға лајигсән, чүнки сән өлдүрүлдүн вә һәр тајфаја, һәр дилә, халга вә үммәтә мәнсуб олан инсанлары+ өз ганынла Аллаһ үчүн сатын алдын,+ 10  онлары Аллаһымыза мәхсус+ падшаһ+ вә каһин етдин. Онлар јер үзәриндә падшаһлыг едәҹәкләр».+ 11  Мән тахтын, мәхлугларын вә ағсаггалларын әтрафында дурмуш чохлу мәләји ҝөрдүм вә онларын сәсини ешитдим. Онларын сајы минләрлә минләр, он минләрлә он минләр иди.+ 12  Онлар ҝур сәслә дејирдиләр: «Өлдүрүлмүш Гузу+ гүдрәт, сәрвәт, һикмәт, ҝүҹ, шәрәф, шөһрәт вә алгыш алмаға лајигдир!»+ 13  Мән ешитдим ки, бүтүн ҝөјдә, јердә, јерин алтында+ вә дәниздә оланлар, һәр бир мәхлуг дејир: «Тахтда отурана+ вә Гузуја+ әбәдијјәт боју алгыш, шан,+ шәрәф, гүдрәт мәхсус олсун!»+ 14  Дөрд мәхлуг «амин» деди вә ағсаггаллар диз чөкүб Аллаһа сәҹдә етдиләр.

Һашијәләр