Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Вәһј 22:1—21

МҮНДӘРИҸАТ

  • Һәјат сују ахан чај (1—5)

  • Јекун (6—21)

    • Ҝәл! Һәјат сујуну һавајы ҝөтүр (17)

    • Ҝәл, Ағамыз Иса (20)

22  О, мәнә һәјат сују+ ахан, бүллур кими шәффаф бир чај ҝөстәрди. Чај Аллаһын вә Гузунун+ тахтындан чыхыб  шәһәрин баш күчәси илә ахырды. Чајын һәр ики саһилиндә һәјат ағаҹлары битирди. Бу ағаҹлар илдә он ики дәфә бар ҝәтирир, һәр ај мејвә верирдиләр. Онларын јарпаглары халгларын шәфа тапмасы үчүндүр.+  Артыг һеч бир ләнәт олмајаҹаг. Аллаһын вә Гузунун+ тахты шәһәрдә олаҹаг вә Аллаһын гуллары Она гуллуг едәҹәкләр.  Онлар Аллаһын үзүнү ҝөрәҹәкләр,+ алынларында Онун ады јазылаҹаг.+  Артыг ҝеҹә олмајаҹаг.+ Онларын нә чыраг ишығына, нә ҝүн ишығына еһтијаҹы олмајаҹаг, чүнки онларын Аллаһы Јеһова үзәрләринә ишыг сачаҹаг+ вә онлар әбәдијјәт боју падшаһлыг едәҹәкләр.+  Мәләк мәнә деди: «Бу сөзләр доғру+ вә етибарлыдыр. Бәли, пејғәмбәрләри илһамландыран Јеһова Аллаһ+ јахын ҝәләҹәкдә баш верәҹәк һадисәләри гулларына ҝөстәрмәк үчүн мәләјини ҝөндәрди.  Мән тезликлә ҝәләҹәјәм.+ Бу тумардакы пејғәмбәрлик сөзләринә әмәл едән нә бәхтијардыр!»+  Мән Јәһја бунлары ҝөрүрдүм вә ешидирдим. Бунлары ҝөрүб ешидәндә бунлары мәнә ҝөстәрән мәләјин ајагларына јыхылыб она сәҹдә етмәк истәдим.  Лакин о, мәнә деди: «Дајан! Буну етмә! Мән садәҹә сәнин кими, пејғәмбәр гардашларын кими вә бу тумардакы сөзләрә әмәл едәнләр кими бир гулам. Аллаһа сәҹдә гыл».+ 10  Сонра деди: «Бу тумардакы пејғәмбәрлик сөзләрини мөһүрләмә, чүнки вахт јахындыр. 11  Насалеһ адам насалеһлијиндә галырса, галсын; мурдар адам ијрәнҹ әмәлләриндән әл чәкмирсә, чәкмәсин. Анҹаг гој салеһ салеһлијиндән дөнмәсин вә мүгәддәс адам мүгәддәслијини горусун. 12  “Бах, мән тезликлә ҝәләҹәјәм. Мүкафат да Өзүмләдир. Һәр кәсә әмәлинә ҝөрә мүкафат верәҹәјәм.+ 13  Мән Алфа вә Омегајам*,+ биринҹи вә ахырынҹы, әввәл вә ахыр Мәнәм. 14  Һәјат ағаҹларынын мејвәсиндән јемәк+ вә шәһәрә дарвазадан+ ҝирмәк ихтијарыны алмаг үчүн либасларыны јујанлар+ нә бәхтијардыр! 15  Мурдар адамлар*, ҹиндарлар, әхлагсызлар, гатилләр, бүтпәрәстләр, јаланы севән вә һәлләм-гәлләм адамлар исә чөлдә галаҹаг”.+ 16  “Мән Иса мәләјими ҝөндәрдим ки, јығынҹагларын хејри үчүн бүтүн бунлар һаггында сизә шәһадәт версин. Мән Давудун көкү+ вә өвладыјам. Парлаг дан улдузу мәнәм”».+ 17  Руһ вә ҝәлин+ дејирләр: «Ҝәл!» Буну ешидән һәр кәс гој: «Ҝәл!» — десин. Гој сусајан һәр кәс ҝәлсин.+ Истәјән гој һәјат сујуну һавајы ҝөтүрсүн.+ 18  «Бу тумардакы пејғәмбәрлик сөзләрини ешидән һәр кәси хәбәрдар едирәм: ким бунлара бир шеј әлавә етсә,+ Аллаһ бу тумарда јазылмыш бәлалары онун башына ҝәтирәҹәк.+ 19  Ким бу тумардакы пејғәмбәрлик сөзләриндән нә исә чыхарса, Аллаһ да бу тумарда јазылмыш һәјат ағаҹындан+ вә мүгәддәс шәһәрдән+ онун пајыны чыхараҹаг. 20  Бунлара шәһадәт едән дејир: “Бәли, мән тезликлә ҝәләҹәјәм”».+ «Амин! Ҝәл, Ағамыз Иса». 21  Гој Ағамыз Исанын лүтфү мүгәддәсләрә јар олсун.

Һашијәләр

Јунан әлифбасында биринҹи вә ахырынҹы һәрфләрин ады.
Һәрфән: итләр.