Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Вәһј 16:1—21

МҮНДӘРИҸАТ

  • Аллаһын гәзәби илә долу једди ҹам (1—21)

    • Гәзәблә долу ҹамлар јерә (2), дәнизә (3), чајлара вә булаглара (4—7), ҝүнәшин үзәринә (8, 9), вәһши һејванын тахтына (10, 11), Фәрат чајына (12—16), һаваја бошалдылыр (17—21)

    • Аллаһын Армаҝедондакы мүһарибәси (14, 16)

16  Мүгәддәс мәкандан ҝур бир сәс+ једди мәләјә деди: «Ҝедин, Аллаһын гәзәби илә долу једди ҹамы јерин үзәринә бошалдын».+  Биринҹи мәләк ҝедиб ҹамыны јерин үзәринә бошалтды.+ Үзәрләриндә вәһши һејванын нишаны оланларын+ вә онун сурәтинә ситајиш едәнләрин+ бәдәнләриндә бәдхассәли, ағрыјан јаралар әмәлә ҝәлди.+  Икинҹи мәләк ҹамыны дәнизә бошалтды.+ Дәниз гана чеврилди.+ Су өлү ганы кими олду вә дәниздә+ јашајан бүтүн ҹанлылар тәләф олду.  Үчүнҹү мәләк ҹамыны чајлара вә булаглара+ бошалтды. Бу сулар да гана чеврилди.+  Мән суларын үзәриндә һөкмү олан мәләјин бу сөзләрини ешитдим: «Еј Вар Олан, Вар Олмуш, + Вәфа Саһиби!+ Сән һагсан, чүнки бу һөкмләри чыхартдын.+  Онлар мүгәддәсләрин вә пејғәмбәрләрин ганыны ахытмышдылар,+ Сән дә онлара ган уддурдун.+ Чүнки онлар буна лајигдирләр!»+  Сонра мән гурбанҝаһдан бир сәс ешитдим: «Бәли, Јеһова Аллаһ, еј Гүдрәт Саһиби!+ Сәнин һөкмләрин һагг вә доғрудур».+  Дөрдүнҹү мәләк ҹамыны ҝүнәшин үзәринә бошалтды+ вә ҝүнәшә изин верилди ки, инсанлары аловла гарсаласын.  Инсанлар гызмар истидән говрулсалар да, бу бәлаларын үзәриндә һөкмү олан Аллаһын адына күфр етдиләр, өз әмәлләриндән дөнүб төвбә етмәдиләр вә Ону мәдһ етмәдиләр. 10  Бешинҹи мәләк өз ҹамыны вәһши һејванын тахтына бошалтды. Онун падшаһлығы зүлмәтә гәрг олду.+ Инсанлар ағрыдан ағызларында дилләрини чејнәмәјә башладылар, 11  лакин чәкдикләри ағрылара, дүчар олдуглары јаралара ҝөрә ҝөјләрин Аллаһына күфр етдиләр вә әмәлләриндән төвбә етмәдиләр. 12  Алтынҹы мәләк өз ҹамыны бөјүк Фәрат чајына+ бошалтды.+ Ҝүндоғандан ҝәлән падшаһларын јолу һазырлансын дејә,+ чајын сулары гуруду. 13  Мән әждаһанын+, вәһши һејванын вә јаланчы пејғәмбәрин ағзындан чыхан, гурбағаја охшар үч мурдар вәһј* ҝөрдүм. 14  Бу вәһјләр ҹин вәһјләридир вә әламәтләр ҝөстәрирләр.+ Онлар јер үзүнүн падшаһларынын јанына ҝедиб онлары Гадир Аллаһын бөјүк ҝүнүндә+ олаҹаг мүһарибәјә топлајырлар.+ 15  «Будур, мән оғру кими ҝәлирәм.+ Ојаг галыб+ палтарыны горујан хошбәхтдир. Чүнки о, чылпаг ҝәзмәјәҹәк вә инсанларын гаршысында биабыр олмајаҹаг».+ 16  Онлар падшаһлары ибраниҹә Армаҝеддон*+ адланан јерә топладылар. 17  Једдинҹи мәләк өз ҹамыны һаваја бошалтды. Бу вахт мүгәддәс мәкандакы тахтдан ҝур бир сәс ҝәлди:+ «Тамам олду!» 18  Ҝөј ҝурулдады, шимшәк чахды, сәсләр ҝәлди вә бөјүк бир зәлзәлә олду.+ Елә бир зәлзәлә ки беләси инсан дүнјаја ҝәләндән бәри олмајыб. 19  Бөјүк шәһәр+ үч јерә парчаланды. Халгларын шәһәрләри дә јыхылды. Бөјүк Бабил+ Аллаһын өнүндә хатырланды ки, она Аллаһын шиддәтли гәзәбинин шәрабы илә долу ҹам верилсин.+ 20  Бүтүн адалар гачды, дағлар гејб олду.+ 21  Инсанларын үзәринә ҝөјдән һәр дәнәси бир талант* ағырлығында олан ири долу јағды.+ Инсанлар бу бәлаја, бу долуја+ ҝөрә Аллаһа күфр етдиләр, чүнки бу, мисли ҝөрүнмәмиш бөјүк бәла иди.

Һашијәләр

Һәрфән: руһ.
Јун. Һар Маҝедон. Меҝиддо дағы мәнасыны верән ибрани ифадәсиндән јараныб.
Јунан таланты 20,4 кг-а бәрабәр иди. Б14 әлавәсинә бах.