Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Вәһј 15:1—8

МҮНДӘРИҸАТ

  • Једди бәла ҝәтирән једди мәләк (1—8)

    • Мусанын вә Гузунун маһнысы (3, 4)

15  Мән ҝөјдә мөһтәшәм вә һејрәт доғуран башга бир әламәт ҝөрдүм: једди бәла ҝәтирән једди мәләк.+ Бунлар ахырынҹы бәлалар иди, чүнки Аллаһын гәзәби бунларла тамамланырды.+  Сонра мән, санки, аловла шүшәнин гарышығындан бир дәниз+ ҝөрдүм. Дәнизин гырағында вәһши һејванын, онун сурәтинин+ вә адынын+ рәгәми үзәриндә гәләбә чаланлар+ дурмушдулар. Онларын әлиндә Аллаһын чәнҝләри варды.  Онлар Аллаһын гулу Мусанын+ вә Гузунун+ маһнысыны охујурдулар: «Еј Јеһова Аллаһ, еј Гүдрәт Саһиби!+ Ишләрин мөһтәшәм+ вә һејрәтамиздир. Еј Әбәдијјәт Падшаһы,+ јолларын һагг+ вә доғрудур.  Ким Сәндән горхмаз, ким адыны уҹалтмаз, еј Јеһова, ахы тәкҹә Сән сәдагәтлисән?!+ Бүтүн халглар ҝәлиб гаршында баш әјәҹәк,+ чүнки һагг һөкмләрин ашкар олду».  Бундан сонра мән ҝөјләрдә Шәһадәт чадырынын+ мүгәддәс мәканынын ачылдығыны+ ҝөрдүм.  Мүгәддәс мәкандан једди бәла ҝәтирән+ једди мәләк чыхды. Онлар әјинләринә тәмиз, парлаг кәтандан либас ҝејмиш, синәләрини гызыл кәмәрлә гуршамышдылар.  Дөрд мәхлугдан бири једди мәләјә әбәди вар олан Аллаһын гәзәби+ илә долу једди гызыл ҹам верди.  Мүгәддәс мәкан Аллаһын ҹалалындан+ вә гүдрәтиндән түстү илә долду. Једди мәләјин ҝәтирдији једди бәла+ баша чатмајынҹа һеч кәс мүгәддәс мәкана ҝирә билмәди.

Һашијәләр