Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Ваиз 6:1—12

МҮНДӘРИҸАТ

  • Варлы, амма ләззәтсиз һәјат (1—6)

  • Хәјал далынҹа гачма (7—12)

6  Ҝүнәш алтында ҝөрдүјүм бир дәрд дә вар ки, инсанлар арасында чох јајылыб:  кимисинә Аллаһ вар-дөвләт, мал-мүлк, һөрмәт-иззәт нәсиб едир, о, һеч нәдән корлуг чәкмир. Ди ҝәл, Аллаһ она бунларын ләззәтини дујмаг имканы вермир, јадын бири онун малы илә кеф едир. Бу да пучдур, ағыр әзабдыр.  Әҝәр инсан јүз ушаг атасы олур, узун өмүр сүрүб аһыл јашына чатыр, лакин һәјатдан ләззәт алмајыб гәбрә ҝедирсә, мәнҹә, өлү доғулмуш ушаг ондан јахшыдыр.+  Чүнки о ушаг бош јерә доғулур, зүлмәт ичиндә итиб-ҝедир, ады да зүлмәтә гәрг олур.  О, нә ҝүнәши ҝөрүр, нә дә бир шеј билир, амма һәмин адамдан даһа раһатдыр.+  Адам ики дәфә мин ил јашасын, лакин һәјатдан ләззәт алмасын, бундан нә фајда? Мәҝәр һамы ејни јерә ҝетмир?+  Инсан гарны үчүн әлләшиб-вурушур,+ амма һеч вахт дојмур.  Һикмәтлинин ағылсыздан нә үстүнлүјү вар?+ Јохсул адам јашамағын тәһәрини билсә дә, бунун она нә хејри?  Ҝөзлә ҝөрмәк хәјал далынҹа дүшмәкдән јахшыдыр. Бу да пучдур, күләк далынҹа гачмаға бәнзәјир. 10  Нә варса, ады чохдан гојулмушдур, инсанын да хисләти мәлумдур. Инсан өзүндән ҝүҹлүсү илә чәкишә билмәз. 11  Сөз чохлуғу* пучлуғу чохалдыр. Бунун инсана нә фајдасы вар? 12  Ҝөрәсән, ким билир, көлҝә кими кечән гыса, пуч һәјатында инсан үчүн ән јахшысы нәдир?+ Ким инсана дејә биләр ки, ондан сонра ҝүнәш алтында нәләр олаҹаг?

Һашијәләр

Диҝәр вариант: чохлу шеј.