Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Јушә 18:1—28

МҮНДӘРИҸАТ

  • Галан әразиләрин Шилода бөлҝүсү (1—10)

  • Бинјаминин ирси (11—28)

18  Сонра бүтүн Исраил иҹмасы Шилода+ топлашды. Онлар орада Һүзур чадырыны гурдулар.+ Артыг өлкә онларын әлиндә иди.+  Амма һәлә исраиллиләрин једди гәбиләсинә ирс верилмәмишди.  Јушә исраиллиләрә деди: «Нә вахта гәдәр отуруб ҝөзләјәҹәксиниз? Нијә ҝедиб ата-бабаларынызын Аллаһы Јеһованын сизә вердији торпаға саһиб олмурсунуз?+  Гој һәр гәбиләдән үч киши јаныма ҝәлсин. Онлары ҝөндәрәҹәјәм, ҝедиб өлкәни башдан-баша долашсынлар вә ирсләрини бөлмәк үчүн өлкәнин тәсвирини тәртиб етсинләр. Сонра јаныма гајытсынлар.  Өлкәни араларында једди һиссәјә бөлсүнләр.+ Јәһуда өз торпағында, ҹәнубда,+ Јусиф өвладлары да өз торпагларында, шималда+ галаҹаг.  Сиз исә ҝедин, өлкәнин тәсвирини тәртиб едиб једди һиссәјә бөлүн вә тәсвири мәнә ҝәтирин. Бурада, Аллаһымыз Јеһованын өнүндә сизин үчүн пүшк атаҹағам.+  Амма лавилиләрин сизин аранызда ирси олмајаҹаг,+ чүнки онларын ирси Јеһованын һүзурунда каһинлик етмәкдир.+ Ҹад, Рубән вә Мәнәссә гәбиләсинин јарысы+ исә артыг Иорданын шәрг тәрәфиндә Јеһованын гулу Мусанын онлара вердији ирси алыблар».  Беләҹә, кишиләр јола чыхмаға һазырлашды. Јушә онлара тапшырды: «Ҝедин, өлкәни долашын, тәсвирини тәртиб едиб јаныма гајыдын. Мән бурада, Шилода Јеһованын өнүндә сизин үчүн пүшк атаҹағам».+  Онлар ҝедиб өлкәни долашдылар. Ораны једди һиссәјә бөлдүләр вә шәһәрбәшәһәр һәр һиссәнин тәсвирини тәртиб едиб гејдә алдылар. Сонра Шилодакы дүшәрҝәјә, Јушәнин јанына гајытдылар. 10  Јушә Шилода Јеһованын һүзурунда онлар үчүн пүшк атды.+ Орада торпағы пајларына ҝөрә исраиллиләр арасында бөлдү.+ 11  Биринҹи пүшк нәсилләринә ҝөрә Бинјамин гәбиләсинә дүшдү вә онларын пајы Јәһуда өвладлары илә Јусиф өвладлары арасындакы әрази олду.+ 12  Шималда онун сәрһәди Иордандан башлајыр, Әриһанын+ шимал јамаҹларына, орадан гәрбә, дағлара галхыр вә Бејт-Авен+ чөллүјүнә узанырды. 13  Орадан Луза, Лузун, јәни Бејтелин+ ҹәнуб јамаҹына ҝедирди. Ашағы Бејт-Һурундан+ ҹәнубдакы дағда јерләшән Атарот-Адара+ енирди. 14  Сонра сәрһәд Бејт-Һуруна бахан дағдан ҹәнуба ениб Јәһуда шәһәри Кирјат-Баала, јәни Кирјат-Јаримә узаныр+ вә орада битирди. Бу, онларын ирсинин гәрб тәрәфи иди. 15  Ҹәнуб тәрәф исә Кирјат-Јаримин гуртараҹағындан башлајырды. Сәрһәд гәрбә узанырды. Нифтаһ суларынын мәнбәјинә ҝедирди.+ 16  Сонра Рәфајим дәрәсинин+ шималында јерләшән вә Бәни-Һинном вадисинә+ бахан дағын әтәјинә, Һинном вадисинә, јәбусиләрин+ шәһәринин ҹәнуб јамаҹына ениб Ејн-Роҝелә+ дүшүрдү. 17  Орадан шимала, Ејн-Шәмсә, сонра Адуммим јохушу+ илә үзбәүз Ҹәлилә галхыр вә Рубән оғлу Бөһанын дашына+ енирди. 18  Сәрһәд Әрәбә илә үзбәүз шимал јамаҹы кечиб Әрәбәјә енирди. 19  Сонра Бејт-Һәҹләнин+ шимал јамаҹындан кечиб Шор дәнизин*+ шималындакы көрфәздә, Иорданын мәнсәбиндә битирди. Бу, ҹәнуб сәрһәди иди. 20  Онларын шәрг сәрһәди Иордан иди. Нәсилләринә ҝөрә Бинјамин өвладларына дүшән ирсин һәр тәрәфдән сәрһәди бунлар иди. 21  Нәсилләринә ҝөрә Бинјамин гәбиләсинә верилән шәһәрләр бунлардыр: Әриһа, Бејт-Һәҹлә, Әмиг-Кәсис, 22  Бејт-Әрәбә+, Сәмрајим, Бејтел+, 23  Авим, Фәраһ, Өфра, 24  Кәфар-Әмун, Офни, Ҝиба+. Кәндләри илә бирҝә он ики шәһәр. 25  Ҝибјон+, Рама, Биирот, 26  Миспиһ, Кәфирә, Мосаһ, 27  Рәгим, Ирпиил, Тәрлаһ, 28  Сәла+, Илиф, јәбусиләрин шәһәри (Јерусәлим),+ Ҝибаһ+, Кирјат. Кәндләри илә бирҝә он дөрд шәһәр. Бунлар нәсилләринә ҝөрә Бинјамин өвладларына дүшән ирс иди.

Һашијәләр

Өлү дәниз.