Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Јушә 14:1—15

МҮНДӘРИҸАТ

  • Иорданын гәрбиндәки торпагларын бөлүнмәси (1—5)

  • Калиб Һәбруну ирс алыр (6—15)

14  Каһин Әлјазар, Нун оғлу Јушә вә Исраил гәбиләләринин нәсил башчылары Кәнан дијарында исраиллиләрә бу торпаглары мүлк вердиләр.+  Јеһованын Муса васитәсилә әмр етдији кими, торпаг мүлкләри доггуз гәбилә вә бир гәбиләнин јарысы арасында пүшклә бөлүндү.+  Муса артыг ики гәбиләјә вә бир гәбиләнин јарысына Иорданын о бири тајында* мирас вермишди.+ Лавилиләрә исә халгын арасында мирас вермәмишди.+  Јусифин нәсли ики гәбиләдән ибарәт иди,+ Мәнәссә вә Әфраим гәбиләси.+ Лавилиләрә өлкәдә шәһәрләрдән, мал-һејван үчүн шәһәрләрин әтрафындакы отлаглардан башга пај верилмәмишди.+  Исраиллиләр Јеһованын Мусаја тапшырдығы кими, өлкәни пајлашдырдылар.  Јәһуданын кишиләри Ҝилгалда+ Јушәнин јанына ҝәлдиләр. Гәназлы Јуфәнна оғлу Калиб+ ҝәлиб Јушәјә деди: «Бир олан Аллаһ Јеһованын Өз гулу Мусаја+ Гәдис-Барнидә+ сәнинлә мәним барәмдә нә дедијини билирсән.+  Јеһованын гулу Муса мәни Гәдис-Барнидән өлкәни ҝөздән кечирмәјә ҝөндәрәндә гырх јашында идим.+ О вахт мән доғру хәбәр ҝәтирдим.+  Мәнимлә ҝедән сојдашларым халгын үрәјинә горху салсалар да, мән бүтүн гәлбимлә Аллаһым Јеһоваја итаәт етдим.+  О ҝүн Муса анд ичиб деди: “Ајаг басдығын торпаг әбәдијјән сәнин вә өвладларынын пајы олаҹаг, чүнки сән бүтүн гәлбинлә Аллаһым Јеһоваја итаәт етдин”.+ 10  Исраиллиләр сәһрада долашаркән+ Јеһованын Мусаја вердији бу вәдин үстүндән гырх беш ил кечиб. Јеһова вәд етдији кими,+ мәнә өмүр верди,+ инди мәним сәксән беш јашым вар. 11  Һәлә дә ҹанымда тәпәр вар. Мусанын мәни ҝөндәрдији ҝүндәки кими, бу ҝүн дә голумда ҝүҹ вар, дөјүшә дә, һәр бир ишә дә һазырам. 12  О ҝүн Јеһованын вәд етдији бу дағлыг бөлҝәни инди мәнә вер. Һәрчәнд орада анагларын јашадығыны,+ онларын бөјүк, гала диварлы шәһәрләри+ олдуғуну о ҝүн сән дә ешитмишдин, амма мән Јеһоваја ҝүвәнирәм.+ Јеһованын сөз вердији кими, ораны мүтләг зәбт едәҹәјәм».+ 13  Јушә Јуфәнна оғлу Калибә хејир-дуа верди вә Һәбруну она мүлк верди.+ 14  Һәбрун бу ҝүнә гәдәр гәназлы Јуфәнна оғлу Калибә мәхсусдур. Чүнки о, бүтүн гәлби илә Исраилин Аллаһы Јеһоваја итаәт етди.+ 15  Һәбрунун әввәлки ады Кирјат-Арба иди.+ (Арба анаглар арасында ән нүфузлу адам олуб.) Беләҹә, мүһарибәләр битди, өлкә әмин-аманлыға говушду.+

Һашијәләр

Јәни шәрг тәрәфиндә.