Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Јушә 1:1—18

МҮНДӘРИҸАТ

  • Јеһова Јушәни руһландырыр (1—9)

    • Төвраты оху (8)

  • Халг Иорданы кечмәјә һазырлашыр (10—18)

1  Јеһованын гулу Мусанын өлүмүндән сонра Јеһова Мусанын хидмәтчиси+ Нун оғлу Јушәјә*+ деди:  «Артыг гулум Муса јохдур.+ Инди сән галх, халгла бирликдә Иордан чајыны кеч, онлара, Исраил халгына вердијим торпаға ҝет.+  Мусаја вәд етдијим кими, ајаг басдығыныз һәр јери сизә верәҹәјәм.+  Сәһрадан Ливана, бөјүк чаја — Фәрат чајына кими һетләрин бүтүн өлкәси,+ гәрбдә Бөјүк дәнизә* гәдәр әрази сизин олаҹаг.+  Нә гәдәр ки сағсан, һеч ким сәнә бата билмәјәҹәк.+ Неҹә ки Мусаја арха олмушдум, сәнә дә арха олаҹағам,+ сәни һеч вахт атмајаҹағам+.  Ҹәсур вә мөһкәм ол!+ Ата-бабаларыныза анд ичиб сөз вердијим торпағы алмаға+ халгын башында сән ҝедәҹәксән.  Ҹәсур ол, мөһкәм ол! Гулум Мусанын тапшырдығы кими, бүтүн ганунлара дәгигликлә әмәл ет. Онлардан нә саға, нә сола бир аддым белә, атма ки, һәр ишини ағылла ҝөрә биләсән.+  Төвратда* јазыланлар дилиндән дүшмәсин.+ Ҝеҹә-ҝүндүз онлары оху* ки, һәр кәлмәсинә дәгигликлә әмәл едәсән.+ Онда һәр ишин аванд олар вә һикмәтлә һәрәкәт едәрсән.+  Бир дә дејирәм, ҹәсур ол, мөһкәм ол. Горхма, тәлаша дүшмә, чүнки Мән, Аллаһын Јеһова һәр јердә сәнинлә олаҹағам».+ 10  Јушә халгын мәмурларына тапшырды: 11  «Бүтүн дүшәрҝәни долашыб халга сөјләјин: “Јола тәдарүк ҝөрүн. Үч ҝүндән сонра Аллаһыныз Јеһованын сизә мүлк вердији торпаға саһиб олмаг үчүн Иорданы кечәҹәксиниз”».+ 12  Јушә рубәнлиләрә, ҹадлылара вә Мәнәссә гәбиләсинин јарысына деди: 13  «Јеһованын гулу Мусанын сизә нә сөјләдијини јадыныза салын: “Аллаһыныз Јеһова сизи раһатлыға чыхараҹаг. О, бу торпағы сизә вериб.+ 14  Гој арвад-ушағыныз, мал-һејваныныз Иорданын бу тәрәфиндә*, Мусанын сизә вердији әразидә галсын.+ Сиз иҝидләр+ исә, сојдашларыныздан* габагда дөјүш низамы илә о таја кечин.+ Онлара көмәк един, 15  та о вахта гәдәр ки, Јеһова сизинтәк онлары да раһатлыға чыхарсын, онлар да Аллаһыныз Јеһованын вердији торпаға саһиб олсунлар. Сонра исә Јеһованын гулу Мусанын Иорданын шәргиндә сизә мүлк вердији торпаға гајыдыб орада јашајын”».+ 16  Онлар Јушәјә дедиләр: «Нә десән, едәҹәјик, һара ҝөндәрсән, ҝедәҹәјик.+ 17  Муса кими, сәнин дә һәр сөзүнә гулаг асаҹағыг. Гој Аллаһын Јеһова Мусаја дајаг олдуғу кими, сәнә дә дајаг олсун.+ 18  Ким сәнин әмриндән чыхарса, әмрләриндән биринә белә, табе олмазса, өлдүрүләҹәк.+ Тәки сән ҹәсур вә мөһкәм ол!»+

Һашијәләр

Мәнасы: Јеһова хиласдыр.
Аралыг дәнизи.
Јахуд онлары алчаг сәслә оху; онларын үзәриндә дүшүн.
Јәни шәрг тәрәфиндә.
Һәрфән: гардашларыныздан.