Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Онлајн Мүгәддәс Китаб | МҮГӘДДӘС КИТАБ (ТӨВРАТ, ЗӘБУР, ИНҸИЛ)

Јунус 4:1—11

МҮНДӘРИҸАТ

  • Јунус һирсләнир, өзүнә өлүм арзулајыр (1—3)

  • Јеһованын өјрәтдији мәрһәмәт дәрси (4—11)

    • «Һирсләнмәјин дүзҝүндүр?» (4)

    • Битки вә мәрһәмәт дәрси (6—10)

4  Бу иш Јунусун һеч хошуна ҝәлмәди вә о, бәрк һирсләнди.  О, Јеһоваја дуа едиб деди: «Аһ Јеһова! Мәҝәр мән өлкәмдә оланда буну демирдим? Елә буна ҝөрә дә Таршишә+ гачмаг истәјирдим. Ахы билирдим ки, Сән мәрһәмәтли, рәһмли, сәбирли, мәһәббәти бол Аллаһсан,+ фикриндән дашыныб бәла ҝәтирмәзсән.  Инди исә, еј Јеһова, јалварырам, ҹанымы ал. Нијә јашајырам, өлсәм, бундан јахшыдыр?»+  Јеһова деди: «Һирсләнмәјин дүзҝүндүр?»  Јунус шәһәрдән чыхды вә шәһәрин шәрг тәрәфиндә әјләшди. О, өзүнә бир чардаг дүзәлтди вә көлҝәсиндә отуруб шәһәрин агибәтини ҝөзләмәјә башлады.+  Онда Јеһова Аллаһ Јунусун башына көлҝә салмаг үчүн бир балгабаг* битирди ки, ону дилхорлугдан гуртарсын. Бу биткијә ҝөрә Јунусун үрәји чох шад олду.  Лакин Аллаһ ертәси ҝүн сүбһ тездән бир гурд јетирди. О, биткини једи вә битки гуруду.  Ҝүнәш доғанда Аллаһ гызмар шәрг күләји ҝөндәрди. Ҝүн Јунусун тәпәсинә вурурду. О, аз галырды һушуну итирсин. Јунус өзүнә өлүм диләјиб дејирди: «Нијә јашајырам, өлсәм, бундан јахшыдыр?»+  Аллаһ Јунуса деди: «Мәҝәр балгабагдан өтрү бу ҹүр һирсләнмәјин дүзҝүндүр?»+ О деди: «Бәли, дүзҝүндүр. Һирсимдән өлмәк истәјирәм». 10  Јеһова она деди: «Зәһмәтини чәкмәдијин, јетишдирмәдијин, бир ҝеҹәдә битиб, бир ҝеҹәдә дә тәләф олан балгабаға сәнин һејифин ҝәлир. 11  Бәс Мән бу бөјүк шәһәрә, Нејнәваја неҹә гыјым?+ Ахы орада јахшыны писдән* ајыра билмәјән јүз ијирми миндән чох инсан вар, чохлу мал-гара вар».+

Һашијәләр

Диҝәр вариант: ҝәнәҝәрчәк.
Һәрфән: сағ әлини сол әлиндән.