Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Өвладларымызы өјрәдәк

 ДӘРС 1

Аллаһын Кәламында «мүгәддәс сирр» адландырылан хүсуси бир сирдән данышылыр

Аллаһын Кәламында «мүгәддәс сирр» адландырылан хүсуси бир сирдән данышылыр

Кимсә сәнинлә сиррини бөлүшүб? ~ * Аллаһын Кәламында «мүгәддәс сирр» адландырылан хүсуси бир сирдән данышылыр. Онун мүгәддәс адланмасынын сәбәби Аллаһдан олмасы, сирр адланмасынын сәбәби исә инсанларын бундан бихәбәр олмасыдыр. Һәтта мәләкләр дә бу һагда даһа чох билмәк истәјирләр. Бәс, сән билмәк истәјирсән, бу нә сирдир? ~

Мәләкләр нәји билмәјә чалышырдылар?

Чох-чох илләр өнҹә Уҹа Аллаһ илк киши илә гадыны јаратмышды. Онларын ады Адәм вә Һәвва иди. Јарадан онлара Әдән бағы адланан ҝөзәл ев дә вермишди. Әҝәр Адәмлә Һәвва Аллаһа итаәт етсәјдиләр, һәм онлар, һәм дә онларын нәсли бүтүн јер үзүнү бу ҝөзәл бағ кими ҹәннәт едәҹәкдиләр. Вә орада әбәдијјән јашајаҹагдылар. Бәс, јадындадырмы Адәмлә Һәвва нә етмишди? ~

Онлар Аллаһын сөзүнә гулаг асмамышдылар вә буна ҝөрә дә биз бу ҝүн ҹәннәтдә јашамырыг. Анҹаг Аллаһ сөз вериб ки, бүтүн јер үзүнү ҝөзәлләшдирәҹәк вә һәр кәс орада хошбәхт вә әбәдијјән јашајаҹаг. О, буну неҹә едәҹәк? Узун илләр әрзиндә бу, сирр олараг галмышды вә инсанлар бундан бихәбәр идиләр.

Иса пејғәмбәр јер үзүнә ҝәләндә инсанлара бу сирр барәдә ачыгламалар вермәјә башлады. О, деди ки, бу сирр Аллаһын Падшаһлығы илә бағлыдыр. (Аллаһын Падшаһлығы һагда 14-ҹү фәсилдә өјрәнәҹәјик.) Иса Мәсиһ инсанлара Падшаһлығын ҝәлмәси барәдә дуа етмәји өјрәдирди. Бу Падшаһлыг јер үзүндә ҝөзәл ҹәннәти бәрпа едәҹәк.

Бу сирри билдијин үчүн севинирсән? ~ Јадда сахла ки, јалныз Јеһованын сөзүнә гулаг асанлар јер үзү Ҹәннәтдә јашајаҹаглар. Мүгәддәс Китабда Јеһова Аллаһа итаәт едән бир чох киши вә гадынларын һәјат һекајәси јазылыб. Сән онлар һагда өјрәнмәк истәјирсән? ~ Ҝәл онлардан бәзиләри һагда өјрәнәк вә ҝөрәк биз онлара неҹә бәнзәјә биләрик.

^ абз. 3 Һәр дәрсдә гојулан тилда (~) ишарәси ҝөстәрир ки, пауза етмәк вә ушағы өз фикрини сөјләмәјә тәшвиг етмәк лазымдыр.