Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Ҝәнҹләрин 10 суалына ҹаваб

 10-ҸУ СУАЛ

Мүгәддәс Китаб мәнә неҹә көмәк едә биләр?

Мүгәддәс Китаб мәнә неҹә көмәк едә биләр?

НӘЈӘ ҜӨРӘ МҮҺҮМ МӘСӘЛӘДИР?

Мүгәддәс Китабда дејилир ки, «Мүгәддәс Јазылардакы һәр кәлмә Аллаһдандыр» (2 Тимутијә 3:16). Әҝәр бу доғрудурса, Мүгәддәс Китаб сәнә лазым олан рәһбәрлији верәҹәк.

СӘН НӘ ЕДӘРДИН?

Белә бир сәһнәни тәсәввүр ет: Давуд машынла танымадығы бир әразидән кечир. Күчәләрдәки јазылара вә әтрафдакы биналара баханда баша дүшүр ки, јолу азыб. Јәгин һарадаса сәһв истигамәтә дөнүб.

Давудун јериндә олсајдын, нә едәрдин?

ДАЈАН ВӘ ФИКИРЛӘШ!

Бир нечә сечимин вар:

  1. А. Кимдәнсә јолу сорушмаг.

  2. Б. Хәритәдән вә ја GPS-дән истифадә етмәк.

  3. В. Биртәһәр јолу тапаҹағына үмид едәрәк јолуна давам етмәк.

Ајдын мәсәләдир ки, В варианты елә дә ишә јарамыр.

Ән јахшы вариант Б вариантыдыр. Чүнки хәритә вә GPS әлинин алтындадыр вә сәнә јолу тапмаға көмәк едир.

Мүгәддәс Китаб да сәнә ејнән көмәк едә биләр.

Ән ҝениш јајылмыш нәшр олан бу китаб сәнә нөвбәти саһәләрдә көмәк едә биләр:

  • проблемләрин өһдәсиндән ҝәлмәјә

  • өзүнү танымаға вә јахшы инсан олмаға

  • хошбәхт һәјат јашамаға

 ҺӘЈАТИВАҸИБ СУАЛЛАРА ҸАВАБ

Дил ачан ҝүндән башлајырыг суаллар вермәјә.

  • Сәма нијә мавидир?

  • Улдузлар нәдән дүзәлиб?

Сонра јашадығымыз дүнја һаггында суаллар веририк.

Әҝәр бу суалларын ҹавабы Мүгәддәс Китабда чохдан верилибсә, онда неҹә?

Бәзиләри дејир ки, Мүгәддәс Китаб рәвајәт вә әфсанәләрлә долудур, о көһнәлиб ја да чох гәлиздир. Бәлкә проблем Мүгәддәс Китабда јох, инсанларын бу китаб һагда јанлыш тәсәввүрләриндәдир? Ола билсин, онларын бу китаб һагда мәлуматы јохдур?

Мисал үчүн, чох адам елә билир ки, Мүгәддәс Китабда бәшәријјәти Аллаһын идарә етдији јазылыб. Ахы бу, неҹә олар биләр? Дүнја идарәолунмаз һала дүшүб. Јер әзаб-әзијјәтлә, хәстәлик вә өлүмлә, јохсуллуг вә фәлакәтләрлә долудур. Мәҝәр мәһәббәтли Јарадан бизә бу аҹылары јашадар?

Бу суалларын ҹавабыны тапмаг истәјәрдин? Мүгәддәс Китабда дејиләнләр сәни тәәҹҹүбләндирәҹәк!

Ҝөрдүјүн кими бу брошүрдәки мәсләһәтләр Мүгәддәс Китаба әсасланыб. Јеһованын Шаһидләри олан бизләр көмәји мәһз Мүгәддәс Китабда ахтарырыг. Чүнки орадакы «һәр кәлмә Аллаһдандыр вә тәлим, тәнбеһ, ислаһ үчүн... фајдалыдыр» (2 Тимутијә 3:16, 17). Сәни бу гәдими, ејни заманда мүасир китабы арашдырмаға тәшвиг едирик.

Әлава мәлумат

ҜӨЗӘТЧИ ГҮЛЛӘСИ

Төврат, Зәбур, Инҹили нә үчүн охумаға дәјәр?

Нә вахтса «ишим вар», «мәнлик дејил» демисиниз?

МҮГӘДДӘС КИТАБ ДӘРСЛӘРИ

Мүгәддәс Китаб дәрсләри неҹә кечирилир?

Дүнјанын һәр јериндә Јеһованын Шаһидләри пулсуз Мүгәддәс Китаб дәрсләри кечирләр. Бу дәрсләрин неҹә кечирилдијинә бахын.