Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Јеһова Аллаһын мүасир халгы

 ДӘРС 2

«Јеһованын Шаһидләри». Бу ад һарадандыр?

«Јеһованын Шаһидләри». Бу ад һарадандыр?

Нуһ пејғәмбәр

Ибраһим пејғәмбәр вә арвады Сара

Муса пејғәмбәр

Иса пејғәмбәр

«Јеһованын Шаһидләри» јени јаранмыш динин ады дејил. Һәлә 2700 ил габаг Јеһова Аллаһын хидмәтчиләри Онун «шаһидләри» адланырдылар (Әшија 43:10—12). 1931-ҹи илә гәдәр «Мүгәддәс Китаб Тәдгигатчылары» адланан тәшкилат һәмин илдән етибарән «Јеһованын Шаһидләри» адланыр. Бәс нәјә ҝөрә мәһз «Јеһованын Шаһидләри»?

Аллаһын адыны дашыјырыг. Јеһова Аллаһын адыдыр. Мүгәддәс Китабын гәдим әлјазмаларында Аллаһын адына једди мин дәфә раст ҝәлинир. Мүгәддәс Китабы тәрҹүмә едәркән бәзи тәрҹүмәчиләр Јеһова адыны Рәбб, Худавәнд вә ја Аллаһ сөзләри илә әвәз едибләр. Һалбуки Аллаһ Өз адыны Муса пејғәмбәрә ачыглајаркән демишди: «Адым әбәдилик будур» (Чыхыш 3:15). Бунунла Јеһова Аллаһ Өзүнү јаланчы танрылардан ајырмышды. Биз фәхр едирик ки, Аллаһын мүгәддәс адыны дашыјырыг.

Фәалијјәтимизин мәгсәдини ачыглајыр. Та гәдимдән башлајараг, әсрләр бојунҹа Аллаһын садиг бәндәләри Онун барәсиндә шәһадәт вермишләр. Онларын сырасында Һабил, Нуһ, Ибраһим, Сара, Муса, Давуд вә диҝәр мүбарәк инсанларын адыны чәкмәк олар. Онлар Аллаһын Кәламында «шаһидләр булуду» адланыр (Ибраниләрә 11:4—12:1). Мәһкәмәдә ҝөрүб-ешитдикләрини сөјләјән шаһид кими, биз дә Аллаһ һаггында өјрәниб-билдијимиз шејләри сөјләјирик.

Иса пејғәмбәрин гојдуғу јолла ҝедирик. Аллаһын Кәламында Иса пејғәмбәр «садиг вә һәгиги шаһид» адланыр (Вәһј 3:14). О, инсанлара Аллаһын адыны ачыр вә Онун барәсиндә шәһадәт верирди (Јәһја 17:26; 18:37). Буна ҝөрә Иса пејғәмбәрин гојдуғу јолла ҝедән адамлар Јеһова Аллаһы тәмсил етмәли вә Онун адыны бәјан етмәлидирләр. Јеһованын Шаһидләри дә елә бу мәгсәдә хидмәт едирләр.

  • Нәјә ҝөрә «Мүгәддәс Китаб Тәдгигатчылары» «Јеһованын Шаһидләри» адыны гәбул етдиләр?

  • Јеһова Аллаһ барәдә шәһадәт верән инсанлар нә вахтдан мөвҹуддур?

  • Биз кимдән өрнәк алараг Јеһова Аллаһ барәдә шәһадәт веририк?