Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Хошбәхтлик ҝәтирән һәгиги иман

 Бөлмә 8

Мәсиһин зүһуру

Мәсиһин зүһуру

ДАНИЕЛИН пејғәмбәрлијиндән тәхминән 500 ил сонра Аллаһын мәләји Ҹәбрајыл Давуд падшаһын нәслиндән олан Мәрјәм адлы бакирә гыза ҝөрүндү. «Салам, еј Аллаһын мүбарәк бәндәси! Јеһова сәнинләдир!» — дејә Ҹәбрајыл ону саламлады (Лука 1:28). Мәрјәм бундан бәрк горхду. Ҝөрәсән, Ҹәбрајылын бу саламы нә демәк иди?

Ҹәбрајыл Мәрјәмә Мәсиһи дүнјаја ҝәтирәҹәји һагда хәбәр верди

«Мәрјәм, горхма, сән Аллаһын ҝөзүндә лүтф тапмысан. Сән һамилә галыб оғул доғаҹагсан вә адыны Иса гојаҹагсан... Јеһова Аллаһ она атасы Давудун тахтыны верәҹәк Онун падшаһлығынын сону олмајаҹаг», — дејә Ҹәбрајыл изаһ етди (Лука 1:30—33). Неҹә дә ҝөзәл хәбәр иди! Мәрјәм Мәсиһи, чохдан ҝөзләнилән «өвлады» дүнјаја ҝәтирәҹәкди!

Нөвбәти ил Иса Бетлеһемдә доғулду. Һәмин ҝеҹә Аллаһын мәләји о әразидәки чобанлара хәбәр чатдырды: «Горхмајын! Мән сизә... хош хәбәри чатдырмаға ҝәлмишәм. Бу ҝүн Давудун шәһәриндә сизин Хиласкарыныз, Ағамыз Мәсиһ доғулуб» (Лука 2:10, 11). Сонралар Исанын аиләси Назаретә көчдү вә о, орада бөјүјүб боја-баша чатды.

Ерамызын 29-ҹу илиндә — Мәсиһин пејда олаҹағы илдә — Иса «тәгрибән отуз јашында» Аллаһын пејғәмбәри кими хидмәт етмәјә башлады (Лука 3:23). Инсанларын чоху онун Аллаһ тәрәфиндән ҝөндәрилдијини гәбул едирди. Онлар дејирдиләр: «Арамызда бөјүк бир пејғәмбәр зүһур едиб» (Лука 7:16, 17). Бәс Иса нә һагда өјрәдирди?

Иса инсанлара Аллаһы севмәји вә Она ибадәт етмәји өјрәдирди. О, белә бәјан едирди: «Аллаһымыз Јеһовадыр; Јеһова јеҝанә Аллаһдыр. Аллаһын Јеһованы бүтүн үрәјинлә, бүтүн ҹанынла, бүтүн ағлынла вә вар ҝүҹүнлә сев» (Марк 12:29, 30). О һәмчинин дејирди: «Аллаһын Јеһоваја сәҹдә гыл вә јалныз Она ибадәт ет» (Лука 4:8).

Иса инсанлара бир-бириләрини севмәји өјрәдирди. О дејирди: «Јахыныны өзүнү севдијин кими сев» (Марк 12:31). Еләҹә дә, о, белә дејирди: «Инсанларын сизинлә неҹә рәфтар етмәсини истәјирсинизсә, сиз дә онларла еләҹә рәфтар един. Әслиндә Ганун вә Пејғәмбәрләр дә мәһз буну дејирләр» (Матта 7:12).

 Иса сәјлә Аллаһын Падшаһлығы һаггында башгаларына тәблиғ едирди. «Мән Аллаһын падшаһлығы һаггында хош хәбәри башга шәһәрләрә дә бәјан етмәлијәм, ахы Аллаһ мәни бу иш үчүн ҝөндәриб» (Лука 4:43). Аллаһын Падшаһлығы нәјә ҝөрә бу гәдәр ваҹибдир?

Мүгәддәс Јазылар өјрәдир ки, Аллаһын Падшаһлығы јер үзүнү ҝөјдән идарә едәҹәк сәмави һөкумәтдир. Иса Мәсиһ Аллаһ тәрәфиндән тәјин олунмуш Падшаһдыр. Даниел пејғәмбәр јухуда ҝөрүнтү алараг Аллаһын ҝөјләрдә Мәсиһә «һакимијјәт, иззәт вә падшаһлыг» вердијини ҝөрмүшдү (Даниел 7:14). Бу Падшаһлыг јер үзүндә Ҹәннәт гураҹаг вә Аллаһын хидмәтчиләринә әбәди һәјат мүкафатыны верәҹәк. Бундан јахшы хәбәр ола биләрми?