Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Мүгәддәс Китаб һекајәләри

 Һекајә 116

Әбәди јашамаг үчүн нә етмәлијик?

Әбәди јашамаг үчүн нә етмәлијик?

ДЕЈӘ биләрсән бу гыз өз достлары илә һансы китабы охујур? Һә, һә, онлар да «Мүгәддәс Китаб һекајәләри»ни охујурлар. Онлар да сәнин охудуғун һекајәни — «Әбәди јашамаг үчүн нә етмәлијик?» һекајәсини охујурлар.

Билирсән онлар бу һекајәдән нә өјрәнирләр? Онлар өјрәнирләр ки, әбәди јашамаг үчүн Јеһова Аллаһ вә Онун Оғлу Иса һаггында билик алмаг лазымдыр. Мүгәддәс Китабда дејилир: ‘Әбәди јашамаг үчүн тәк һәгиги Аллаһ вә онун јер үзүнә ҝөндәрдији Оғлу Иса Мәсиһ һаггында өјрәнин’.

Биз Јеһова Аллаһ вә онун Оғлу Иса Мәсиһ һаггында һарадан өјрәнә биләрик? «Мүгәддәс Китаб һекајәләри»ни башдан ахыра кими охумаг бу ишдә сәнә көмәк едәр. Бурадан Јеһова Аллаһ вә Иса Мәсиһ һаггында чох шеј өјрәнмисән. Бу китабда һәм дә онларын әввәлки вә ҝәләҹәкдә ҝөрәҹәкләри ишләр һаггында јазылыб. Амма елә фикирләшмә ки, бу китабы охумагдан савајы һеч нә лазым дејил.

Јердә о бири китабы ҝөрүрсән? Бу Мүгәддәс Китабдыр. Охудуғумуз һекајәләр онун әсасында јазылыб. Бөјүкләрдән хаһиш елә, сәнә бу һекајәләрдә ҝәтирилән ајәләри Мүгәддәс Китабдан охусунлар. Јеһова Аллаһа дүзҝүн хидмәт етмәк вә әбәди јашамаг үчүн анҹаг Мүгәддәс Китаб бизә лазыми билији верир. Буна ҝөрә дә Мүгәддәс Китабы мүнтәзәм өјрәнмәлијик.

Амма буну да бил ки, Јеһова Аллаһ вә Иса Мәсиһ һаггында өјрәнмәк аздыр. Бизим Јеһова Аллаһ вә Иса Мәсиһ, һәмчинин онларын тәлимләри һаггында чохлу билијимиз ола биләр. Анҹаг бу, әбәди јашајаҹағымыза зәманәт вермир. Билирсән әбәди јашамаг үчүн башга нә етмәлијик?

Биз өјрәндијимиз шејләри сонра һәјатымызда тәтбиг етмәлијик. Јәһуда Искарјот јадындадыр? О, Исанын 12 һәварисиндән бири иди. Јәһуданын да Јеһова вә Иса һаггында чохлу билији варды. Амма онун ахыры неҹә олду? О јаваш-јаваш өзүнү Аллаһдан чох севмәјә башлады вә Исаны дүшмәнләрә 30 ҝүмүш пула сатды. Буна ҝөрә дә Јәһуда әбәди јашамајаҹаг.

Бәс 69-ҹу һекајәдәки Ҝеһази јадындадыр? Ҝеһази она мәхсус олмајан палтара вә пула тамаһ салмышды. Бу шејләри ҝөтүрмәк үчүн јалан данышды. Бунун үчүн Јеһова Аллаһ ону ҹәзаландырды. Биз дә Аллаһын ганунларына гулаг асмасаг, Аллаһ бизи ҹәзаландырар.

Јеһованын кечмишдә чохлу сәдагәтли хидмәтчиләри дә олуб. Биз дә онлара охшамаг истәјирик, елә дејилми? Мәсәлән, балаҹа Шамуели ҝөтүрәк. Јадындадыр, 55-ҹи һекајәдә охумушдуг ки, о, ибадәт чадырында хидмәт етмәјә башлајанда дөрд-беш јашы варды. Бәли, јашындан асылы олмајараг, сән Јеһоваја һәр вахт хидмәт едә биләрсән.

Әлбәттә, биз һамымыз Иса Мәсиһә бәнзәмәк истәјирик. О, ушаг јашларында да мәбәддә инсанларла ҝөјдәки Атасы һаггында данышырды. Буну 87-ҹи һекајәдән ҝөрмәк олар. Ҝәл биз дә онун кими олмаға чалышаг. Ҝәл ҝөзәл Аллаһымыз Јеһова вә Онун Оғлу Иса Мәсиһ һаггында имканымыз дахилиндә һамыја данышаг. Әҝәр бунлары едәриксә, онда Аллаһын јер үзүндә јарадаҹағы Ҹәннәтдә әбәди јашајаҹағыг.

Әлава мәлумат

ИСА ПЕЈҒӘМБӘР. ЈОЛ, ҺӘГИГӘТ, ҺӘЈАТ

Јол, һәгигәт, һәјат

Инҹилдә јер алан Иса пејғәмбәрин тәлимләри вә етдији ишләр һәјатынызы дәјишә биләр.

МҮГӘДДӘС КИТАБ НӘ ӨЈРӘДИР?

Аллаһын Јер үчүн нијјәти нәдән ибарәтдир? I һиссә

Аллаһ инсанлар үчүн белә ҝүн арзулајырды?