Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Мүгәддәс Китаб һекајәләри

 Һекајә 42

Данышан ешшәк

Данышан ешшәк

ҺЕЧ ЕШИТМИСӘН ки, ешшәк данышсын? Јәгин дејәҹәксән: «Јох, ахы һејванлар даныша билмир». Амма Мүгәддәс Китабда данышан бир ешшәк һаггында јазылыб. Ҝәл ҝөрәк бу һадисә неҹә баш вермишди.

Исраиллиләр артыг Кәнан торпағына ҝирмәјә һазырдырлар. Бу хәбәр Моав дијарынын падшаһы Балага чатанда о, горхуја дүшүр. Буна ҝөрә дә Исраили ләнәтләмәк үчүн Билам адлы һијләҝәр бир кишинин далынҹа адам ҝөндәрир. Балаг Билама чохлу пул сөз верир. Билам да ешшәјинә миниб Балагын јанына јола дүшүр.

Јеһова Аллаһ истәмир ки, Билам исраиллиләри ләнәтләсин. Буна ҝөрә дә, Биламын јолуну кәсмәк үчүн әлиндә узун гылынҹы олан бир мәләк ҝөндәрир. Билам мәләји ҝөрмүр, ешшәк исә ҝөрүр. Ешшәк ҝери дөнмәк үчүн ора-бура вурнухур, ахырда исә әлдән дүшүб јерә узаныр. Билам бәрк гәзәбләндијиндән ешшәји чубугла дөјмәјә башлајыр.

Бу заман Јеһова елә едир ки, Биламын ешшәји дилә ҝәлиб ондан сорушур: ‘Сәнә нә етдим ки, мәни дөјүрсән?’

Билам дејир: ‘Мәни әлә салырсан? Гылынҹым олсајды сәни өлдүрәрдим!’

Ешшәк дејир: ‘Индијәдәк белә бир шеј етмишәм?’

Билам ҹаваб верир: ‘Јох’.

Бах елә бу вахт Јеһова Биламын ҝөзләрини ачыр вә о, јолуну кәсән гылынҹлы мәләји ҝөрүр. Мәләк дејир: ‘Ешшәјини нијә дөјүрсән? Јолуну кәсмишәм ки, ҝедиб Исраили ләнәтләмәјәсән. Ешшәјин јолдан дөнмәсәјди, сәни өлдүрәрдим, ешшәјинә исә тохунмаздым’.

Билам дејир: ‘Ҝүнаһ етдим. Билмирдим ки, сән јолум үстә дајанмысан’. Мәләк Биламы бурахыр, Билам да Балагын јанына ҝедир. О, Исраили ләнәтләмәјә чалышса да, Јеһова елә едир ки, о, дүз үч дәфә халга хејир-дуа вермәли олур.