Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Мүгәддәс Китаб бизә һансы хәбәри чатдырыр?

 БӨЛМӘ 16

Мәсиһ пејда олур

Мәсиһ пејда олур

Јеһова нәсрани Исанын чохдан вәд едилмиш Мәсиһ олдуғуну тәсдиг едир

ЈЕҺОВА инсанлара вәд едилмиш Мәсиһи танымаға көмәк едәҹәкдими? Бәли. Аллаһын нә етдијини нәзәрдән кечирәк. Ибраниҹә Мүгәддәс Јазыларын тамамланмасындан тәхминән дөрд әср кечмишди. Ҹәлиләнин шимал бөлҝәсиндә јерләшән Насирә шәһәриндә Мәрјәм адлы ҝәнҹ гыза гејри-ади гонаг тәшриф бујурду. Ҹәбрајыл адлы мәләк Мәрјәмә ҝөрүнүб хәбәр верди ки, бакирә олмасына бахмајараг, о, Аллаһын фәал гүввәсинин, мүгәддәс руһунун васитәсилә һамилә галаҹаг вә дүнјаја оғлан ушағы ҝәтирәҹәк. Бу оғул чохдан вәд едилмиш Падшаһ, әбәди рәһбәрлик едәҹәк шәхс олаҹаг! Һәјаты Аллаһ тәрәфиндән ҝөјдән Мәрјәмин бәтнинә көчүрүлән бу ушаг Аллаһын Оғлу олаҹаг.

Мәрјәм тәвазөкарлыгла бу мүһүм вә шәрәфли тапшырығы гәбул етди. Аллаһ мәләк ҝөндәриб дүлҝәр Јусифи нишанлысы Мәрјәмин мүгәддәс руһун тәсири илә һамилә галмасына әмин етдикдән сонра о, Мәрјәмлә евләнди. Бәс онда Мәсиһин Бејтләһмдә доғулаҹағы илә бағлы дејилән пејғәмбәрлик һагда нә демәк олар? (Микә 5:2). Бу кичик шәһәр Насирәдән тәхминән 140 километр аралыда јерләширди!

Рома һөкмдары сијаһыјаалма кечирилмәсини әмр етмишди. Һамы доғулдуғу шәһәрдә гејдијјатдан кечмәли иди. Јусифлә Мәрјәм әслән Бејтләһмдән олдуғундан, Јусиф һамилә арвады Мәрјәми ҝөтүрүб ора јолланды (Лука 2:3). Мәрјәм ушағы ади төвләдә дүнјаја ҝәтирди вә ону бәләјиб ахура гојду. Дағын дөшүндә ҝеҹәләјән чобанлара тәзә доғулмуш көрпәнин вәд олунмуш Мәсиһ олдуғуну хәбәр вермәк үчүн Аллаһ чохлу сајда мәләк ҝөндәрди.

Сонралар башгалары да Исанын вәд олунмуш Мәсиһ олдуғуну тәсдиг етдиләр. Әшија пејғәмбәр габагҹадан демишди ки, Мәсиһин ваҹиб ишинә јол һазырламаг үчүн бир нәфәр пејда олаҹаг (Әшија 40:3). Һәмин шәхс Вәфтизчи Јәһја олду. Исаны ҝөрәндә о нида етди: «Будур, бәшәријјәтин ҝүнаһыны јујан Аллаһын Гузусу!» Јәһјанын шаҝирдләриндән бәзиләри дәрһал Исанын ардынҹа ҝетди. Онлардан бири деди: «Биз Мәсиһи тапмышыг» (Јәһја 1:29, 36, 41).

Исанын Мәсиһ олдуғуна башга бир шаһидлик дә вар. Јәһја Исаны вәфтиз едәндә Јеһова Өзү ҝөјләрдән данышды. Мүгәддәс руһ васитәсилә Исаны Мәсиһ тәјин едәрәк деди: «Бу Мәним севимли Оғлумдур. Мән ондан чох разыјам» (Мәтта 3:16, 17). Нәһајәт ки, чохдан вәд олунмуш Мәсиһ пејда олду!

Бу һадисә нә вахт баш верди? Ерамызын 29-ҹу илиндә Дәнјалын габагҹадан дедији 483 ил битәндә. Бәли, бу, Исанын Мәсиһ олдуғуну ҝөстәрән данылмаз сүбутун бир һиссәсидир. Бәс Иса јер үзүндә оланда нә һагда тәблиғ едирди?

Мәтта 13-дәк; Марк 1; Лука 2 вә Јәһја 1-ҹи фәслинә әсасланыб.

Әлава мәлумат

ИЛАҺИ МҮЖДӘ

Аллаһын мүждәсиндә Иса пејғәмбәрин ролу

Өјрәнин ҝөрүн Аллаһ Иса пејғәмбәрин өлүмүнә нә үчүн изин верди, фидјә нәдир, Иса Мәсиһ һазырда нә илә мәшғулдур?

ИМАН ӨРНӘКЛӘРИ

Мәрјәм ешитдикләринин мәнасы үзәриндә дүшүнүрдү

Бејтләһмдә баш верәнләр Мәрјәмин Јеһова Аллаһын вәдләринә иманыны мөһкәмләндирир.

ИМАН ӨРНӘКЛӘРИ

Јусиф јахшы әр, јахшы ата иди

Јусиф аиләсини горумаг үчүн нә етди? Нәјә ҝөрә о, Мәрјәмлә Исаны Мисирә апарды?

ҜӨЗӘТЧИ ГҮЛЛӘСИ

Бәшәријјәтин азад олунмасы үчүн Аллаһын тәдбири

Мәсиһин Аллаһын Ибраһимлә бағлы вәдинә һансы аидијјаты вар? Аллаһын бәшәријјәти хәстәлик, азар-безар вә өлүмдән неҹә азад едәҹәјини өјрән