Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Мүгәддәс Китаб бизә һансы хәбәри чатдырыр?

 БӨЛМӘ 25

Имана, әхлага вә мәһәббәтә даир мәсләһәтләр

Имана, әхлага вә мәһәббәтә даир мәсләһәтләр

Јагуб, Бутрус, Јәһја, вә Јәһуда һәмиманлыларыны руһландырмаг үчүн мәктублар јазыр

ЈАГУБЛА Јәһуда Исанын анабир гардашлары иди, Бутрус вә Јәһја исә Исанын һәвариләри сырасына дахил иди. Јунанҹа Мүгәддәс Јазылардакы мәктублардан једдисини бу дөрд нәфәр јазыб. Һәр бир мәктуб ону јазанын адыны дашыјыр. Орадакы илһамланмыш нәсиһәтләр мәсиһиләрә Јеһова гаршысында нөгсансызлығы горумаға вә Аллаһын Падшаһлығына садиг галмаға көмәк етмәк мәгсәдилә јазылмышдыр.

Иман тәзаһүр етдирин. Садәҹә имана саһиб олдуғуну демәк аздыр. Һәгиги иман инсаны һәрәкәтә тәшвиг едир. Јагуб јазыр: «Әмәлсиз иман... өлүдүр» (Јагуб 2:26). Сынагларла үзләшәркән иманла һәрәкәт етмәк тәһәммүл һасил едир. Сынаглара синә ҝәрмәк үчүн мәсиһи Аллаһдан мүдриклик истәмәли вә алаҹағына әмин олмалыдыр. Тәһәммүл етмәклә инсан Аллаһын лүтфүнү газаныр (Јагуб 1:2—6, 12). Аллаһын хидмәтчиси иман тәзаһүр етдирәрәк нөгсансызлығы горуса, бу, Јеһова Аллаһ тәрәфиндән ҹавабсыз галмајаҹаг. Јагуб јазыр: «Аллаһа јахынлашын, О да сизә јахынлашаҹаг» (Јагуб 4:8).

Ширникдириҹи вә әхлагсыз тәсирләрә мүгавимәт ҝөстәрә билмәк үчүн мәсиһи кифајәт гәдәр мөһкәм имана саһиб олмалыдыр. О дөврдә баш алыб ҝедән әхлагсызлыг Јәһуданы тәһрик етди ки, һәмиманлыларыны «иман уғрунда ҹидди мүбаризә апармаға» тәшвиг етсин (Јәһуда 3).

Тәмиз әхлагы горујун. Јеһова хидмәтчиләриндән мүгәддәс олмағы, јәни бүтүн саһәләрдә тәмиз олмағы ҝөзләјир. Бутрус јазыр: «Һәр бир ишиниздә мүгәддәс олун, ахы јазылыб: “Мүгәддәс олун чүнки Мән [Јеһова] мүгәддәсәм”» (1 Бутрус 1:15, 16). Мәсиһиләрә тәглид етмәләри үчүн нүмунә гојулуб. Бутрус дејир: «Мәсиһ дә сизин уғрунузда әзаб чәкди вә сизә нүмунә гојду ки, онун изи илә ҝедәсиниз» (1 Бутрус 2:21). Мәсиһиләр Аллаһын нормаларына ујғун јашадыгларына ҝөрә әзабларла үзләшә биләрләр. Буна бахмајараг, онлар виҹданларыны тәмиз сахлајырлар (1 Бутрус 3:16, 17). Бутрус мәсиһиләри Аллаһын һөкм ҝүнүнү вә салеһлијин мәскунлашдығы вәд олунмуш јени дүнјаны ҝөзләдикләри мүддәтдә мүгәддәс давранмаға вә Аллаһ јолуна бағлы олдугларыны ҝөстәрән ишләр ҝөрмәјә тәшвиг едир (2 Бутрус 3:11—13).

«Аллаһа јахынлашын О да сизә јахынлашаҹаг» (Јагуб 4:8).

Мәһәббәт ҝөстәрин. «Аллаһ мәһәббәтдир», — дејә Јәһја јазыр. Һәвари ачыглајыр ки, Аллаһ Өз бөјүк мәһәббәтини Исаны «ҝүнаһларымызы өртән кәффарә гурбаны кими» ҝөндәрмәклә ҝөстәрмишди. Мәсиһиләр бу мәһәббәтә неҹә һај вермәлидирләр? Јәһја изаһ едир: «Әзизләрим Аллаһ бизи белә севдисә, биз дә бир-биримизи севмәјә борҹлујуг» (1 Јәһја 4:8—11). Бу ҹүр мәһәббәт ҝөстәрмәјин үсулларындан бири һәмиманлылара гаршы гонагпәрвәр олмагдыр (3 Јәһја 5—8).

Бәс Јеһованын хидмәтчиләри Она олан мәһәббәтләрини неҹә ҝөстәрирләр? Бу суала Јәһја белә ҹаваб верир: «Аллаһы севмәк Онун әмрләринә риајәт етмәк демәкдир. Онун әмрләри исә ағыр дејил» (1 Јәһја 5:3; 2 Јәһја 6). Беләликлә, Аллаһа табе оланлар әминдирләр ки, әбәди һәјаты ҝөзләдикләри мүддәтдә Аллаһ онлары һәмишә севәҹәк (Јәһуда 21).

«Јагуб»; «Биринҹи вә икинҹи Бутрус»; «Биринҹи икинҹи вә үчүнҹү Јәһја» вә «Јәһуда» китабларына әсасланыб.