Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Мүгәддәс Китаб бизә һансы хәбәри чатдырыр?

 БӨЛМӘ 4

Аллаһ Ибраһимлә әһд бағлајыр

Аллаһ Ибраһимлә әһд бағлајыр

Ибраһим Аллаһа иманла итаәт едир? Јеһова ону хејир-дуаландыраҹағыны вә нәслини артыраҹағыны вәд едир

НУҺУН ҝүнләриндәки Дашгындан тәхминән 350 ил кечмишди. Јаша долмуш Ибраһим һазыркы Ирагда јерләшән чичәкләнән Ур шәһәриндә јашајырды. Ибраһим бөјүк иман саһиби иди. Анҹаг онун иманы сынаға чәкилди.

Јеһова Ибраһимә доғулдуғу јери тәрк едиб јад торпаға Кәнан дијарына көчмәји бујурду. Ибраһим тәрәддүд етмәдән табе олду. О, арвады Сара, гардашы оғлу Лут да дахил олмагла, бүтүн аиләсини ҝөтүрүб јола чыхды вә узун сәјаһәтдән сонра јашамаг үчүн Кәнанда чадыр гурду. Ибраһимлә әһд бағлајараг Јеһова вәд етди ки, ондан бөјүк милләт төрәјәҹәк, јер үзүндә олан бүтүн инсанлар онун васитәсилә хејир-дуа алаҹаг вә нәсли Кәнан дијарына саһиб олаҹаг.

Ибраһимин вә Лутун һәјаты ҝүнү-ҝүндән чичәкләнир, мал-гарасы вә гојун сүрүсү чохалырды. Ибраһим өз мәнфәәтини ҝүдмәјәрәк Лута истәдији әразини сечмәјә изин верди. Лут Иордан чајынын мәһсулдар әразисини сечди вә Сәдум шәһәри јахынлығында мәскунлашды. Анҹаг Сәдумун сакинләри Јеһоваја гаршы чохлу ҝүнаһ едән әхлагсыз инсанлар идиләр.

Јеһова Аллаһ сонралар Ибраһими әмин етди ки, онун нәсли ҝөјдәки улдузлар гәдәр сајсыз-һесабсыз олаҹаг. Ибраһим бу вәдә иман етди. Лакин Ибраһимин севимли арвады Сара сонсуз иди. Сонралар Ибраһимин 99 јашы оланда, Саранын исә јашы 90-а јахынлашанда Аллаһ Ибраһимә онларын оғлу олаҹағыны деди. Аллаһын дедији кими, Сара Исһагы доғду. Ибраһимин башга ушаглары да вар иди, анҹаг Әдән бағында вәд олунан Хиласкар мәһз Исһаг васитәсилә ҝәләҹәкди.

Һәмин вахт Лут вә онун аиләси Сәдумда јашајырды, лакин салеһ Лут шәһәрин әхлагсыз сакинләри кими олмады. Јеһова Сәдума гаршы чыхардығы һөкмү иҹра етмәк гәрарына ҝәләндә мәләкләри ҝөндәрди ки, ҝөзләнилән мәһв барәдә Луту хәбәрдар етсинләр. Мәләкләр Лута вә аиләсинә Сәдумдан гачмағы вә ҝеријә бахмамағы тапшырды. Сонра Аллаһ Сәдумун вә онун јахынлығында јерләшән позғун шәһәр Әмурәнин үзәринә одлу күкүрд јағдырараг бүтүн сакинләрини мәһв етди. Лут вә ики гызы хилас олду. Анҹаг Лутун арвады еһтимал ки, архада гојдуғу мүлкү үчүн һејифсләндијиндән ҝеријә бахды. Итаәтсизлији она һәјаты баһасына баша ҝәлди.

Јарадылыш 11:1019:38 ајәләринә әсасланыб.

Әлава мәлумат

ИМАН ӨРНӘКЛӘРИ

Ибраһим — «иман ҝәтирәнләрин атасы»

Ибраһим пејғәмбәрин иманлы инсан олдуғу нә ҝөрүнүр? Һансы саһәләрдә Ибраһим пејғәмбәрин иманыны өрнәк ҝөтүрә биләрсиниз?