Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Мүгәддәс Китаб һагда нә фикирләширсиниз?

Мүгәддәс Китаб һагда нә фикирләширсиниз?

Сизин фикринизҹә, бу китаб...

  • инсан мүдриклијинин мәһсулудур?

  • нағыллар вә рәвајәтләр топлусудур?

  • Аллаһ Кәламыдыр?

 МҮГӘДДӘС КИТАБДА НӘ ДЕЈИЛИР?

«Мүгәддәс Јазылардакы һәр кәлмә Аллаһдандыр» (Инҹил, 2 Тимутијә 3:16).

БУ СИЗИН ҮЧҮН НӘ МӘНА КӘСБ ЕДИР?

Һәјатда ваҹиб суаллара ганеедиҹи ҹаваблар тапаҹагсыныз (Пејғәмбәрләрин китабы, Мәсәлләр 2:1—5).

Јашадығыныз һәр ҝүн үчүн етибарлы рәһбәрлик әлдә едәҹәксиниз (Зәбур 119:105).

Ҝәләҹәјә ҝерчәк үмидиниз олаҹаг (Инҹил, Ромалылара 15:4).

 МҮГӘДДӘС КИТАБДА ДЕЈИЛӘНЛӘРӘ ИНАНМАГ ОЛАРМЫ?

Бәли, олар, ән азы үч сәбәбә ҝөрә:

  • Һејрәтамиз ујғунлуг. Аллаһ Мүгәддәс Китабы 1600 илдән чох вахт әрзиндә гырха јахын мүгәддәс бәндәсинә јаздырыб. Онларын әксәријјәти бир-бирини һеч вахт ҝөрмәјиб. Бунунла белә, китабын һармоник шәкилдә ҹәрәјан едән бир әсас мөвзусу вар.

  • Дүрүстлүк. Чох вахт тарихчиләр өз халгларынын нөгсанларыны вә мәғлубијјәтләрини өрт-басдыр едирләр. Мүгәддәс Китабы јазанлар исә һәм өзләринин, һәм дә халгларынын сәһвләрини дүрүстлүклә гәләмә алмышлар (Пејғәмбәрләрин китабы, 2 Салнамәләр 36:15, 16; Зәбур 51:1—4).

  • Јеринә јетән пејғәмбәрликләр. Мүгәддәс Китаб гәдим Бабил шәһәринин виран галаҹағы һагда тәгрибән 200 ил әввәл хәбәр вермишди (Пејғәмбәрләрин китабы, Әшија 13:17—22). Мүгәддәс Китабда нәинки Бабилин неҹә ишғал едиләҹәји, һәтта ону ишғал едәҹәк шәхсин ады белә ачыгланмышды! (Пејғәмбәрләрин китабы, Әшија 45:1—3).

    Мүгәддәс Китабын диҝәр чохсајлы пејғәмбәрликләри дә ән хырда тәфсилатларынадәк јеринә јетиб. Мәҝәр Аллаһын Кәламы белә олмалы дејил? (Инҹил, 2 Бутрус 1:21).

 ДҮШҮНҮН

Аллаһын Кәламы һәјатынызы неҹә јахшылашдыра биләр?

Бу суалын ҹавабы Мүгәддәс Китабын ашағыдакы ајәләриндә јазылыб: ӘШИЈА 48:17, 18; 2 ТИМУТИЈӘ 3:16, 17.

Әлава мәлумат

ИЛАҺИ МҮЖДӘ

Мүждәдән бәһс едән китаб

Мүгәддәс Китабын Аллаһдан олдуғуна һансы сүбутлар вар?