Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Мүгәддәс Китаб дүнјасына сәјаһәт

 ДӘРС 54

Јеһова Јунуса сәбир едир

Јеһова Јунуса сәбир едир

Ашшурун Нејнәва шәһәринин ҹамааты јаман писдир. Буна ҝөрә дә Јеһова пејғәмбәри Јунуса тапшырыр ки, Нејнәваја ҝедиб оранын ҹамаатыны пис әмәлләриндән төвбә етмәјә сәсләсин. Анҹаг Јунус Нејнәваја јох, Таршишә ҝедән ҝәмијә миниб, әкс истигамәтә гачыр.

Ҝәми дәнизин ортасында оланда шиддәтли фыртына галхыр. Дәнизчиләри ваһимә бүрүјүр. Онлар өз аллаһларына дуа едиб сорушурлар: «Нијә башымыза бу иш ҝәлди?» Ахырда Јунус дилләнир: «Ҝүнаһкар мәнәм. Мән Јеһованын тапшырығыны јеринә јетирмәкдән бојун гачырдым. Мәни дәнизә атсаныз, фыртына сакитләшәҹәк». Дәнизчиләр Јунусу суја атмаг истәмирләр. Анҹаг Јунус онлары дилә тутур. Онлар Јунусу дәнизә атырлар. Елә о андаҹа фыртына сакитләшир.

Јунус дүшүнүр ки, ахыры чатыб. О, дәнизин дибинә ендикҹә Јеһоваја дуа едир. Сонра Јеһова нәһәнҝ бир балыг ҝөндәрир. Балыг Јунусу удур, анҹаг Јунус өлмүр. Јунус балығын гарнында дуа едир: «Сөз верирәм, бундан сонра Сәнин сөзүндән чыхмајаҹағам». Јеһова Јунусу балығын гарнында үч ҝүн горујур. Сонра балыг Јунусу саһилә гајтарыр.

Јеһованын Јунусу хилас етмәси о демәкдир ки, даһа ону Нејнәваја ҝөндәрмәјәҹәк? Һеч дә елә дејил. Јеһова тәкрарән Јунуса дејир ки, Нејнәваја ҝетсин. Бу дәфә о, Јеһованын  сөзүндән чыхмыр. О, Нејнәваја ҝедиб оранын ҹамаатына дејир: «40 ҝүндән сонра Нејнәва мәһв олаҹаг». Билирсән, бу заман нә баш верир? Ҹамаат Јеһоваја гулаг асыб пис әмәлләриндән әл чәкир. Нејнәва падшаһы халга дејир: «Аллаһы чағырыб төвбә един. Бәлкә, Онун бизә јазығы ҝәләр». Јеһова онларын төвбә етдијини ҝөрүб Нејнәваны мәһв етмәк фикриндән дашыныр.

Јунус шәһәрин мәһв олмадығыны ҝөрүб әсәбиләшир. Фикир верирсән, Јеһова Јунуса сәбир едир вә она мәрһәмәт ҝөстәрир, анҹаг Јунусун Нејнәва ҹамаатына јазығы ҝәлмир. О, шәһәрдән кәнарда балгабаг биткисинин көлҝәсиндә бикеф отурур. Бирдән битки гурујур. Јунус чох әсәбиләшир. Буна ҝөрә дә Јеһова она дејир: «Сән бу биткијә нејнәвалылардан даһа чох дәјәр верирсән. Мән онлара рәһм едиб сағ сахладым». Бурадан нә бәлли олур? Нејнәвалылар һансыса биткидән даһа дәјәрлидир.

«Јеһова... сизә сәбир едир, чүнки һеч кәсин мәһв олмасыны истәмир, әксинә, истәјир ки, һамы төвбәјә ҝәлсин» (2 Бутрус 3:9)

Әлава мәлумат

ИМАН ӨРНӘКЛӘРИ

Јунус сәһвләриндән дәрс алды

Јунусун горхуб тапшырыгдан бојун гачырдығыны нәјә ҝөрә баша дүшмәк олар? Јунусун әһвалатындан Јеһованын сәбирли вә мәрһәмәтли олмасы барәдә чох шеј өјрәнирик.

ИМАН ӨРНӘКЛӘРИ

Јунус мәрһәмәтли олмағы өјрәнди

Јунусун әһвалаты үрәјимизи јохламаға неҹә көмәк едир?