Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Мүгәддәс Китаб дүнјасына сәјаһәт

 ДӘРС 103

«Гој Падшаһлығын ҝәлсин»

«Гој Падшаһлығын ҝәлсин»

Јеһова Аллаһ сөз вериб: «Инсанларын ҝөзләриндән бүтүн јашлары силәҹәк. Артыг өлүм олмајаҹаг. Нә дәрд, нә фәрјад, нә дә ағры олмајаҹаг, чүнки әввәлки шејләр кечиб ҝетди».

Јеһова Аллаһ Адәмлә Һәвваны јарадыб, Әдән бағына гојду. Јеһова истәјирди ки, онлар әмин-аманлыг вә хошбәхтлик ичиндә јашасынлар. Онлар ҝөјләрдәки Аталарына ибадәт етмәли вә өвладлар дүнјаја ҝәтириб јер үзүнү долдурмалы идиләр. Анҹаг Адәмлә Һәвва Јеһова Аллаһын сөзүнә гулаг асмадылар, буна бахмајараг, Јеһова нијјәтиндән дөнмәди. Бу китабда биз Аллаһын вердији бүтүн вәдләрин ҝерчәкләшдијини ҝөрдүк. Ибраһим пејғәмбәрә вәд етдији кими, Јеһованын Падшаһлығы јер үзүнә мөһтәшәм хејир-бәрәкәт ҝәтирәҹәк.

Тезликлә Шејтан, онун мәләкләри вә бүтүн пис инсанлар мәһв олаҹаг. Һәр кәс Јеһова Аллаһа ибадәт едәҹәк.  Биз нә хәстәләнәҹәјик, нә дә өләҹәјик. Әксинә, һәр сәһәр јухудан ҝүмраһ ојанаҹаг вә һәјатдан зөвг алаҹағыг. Дүнја ҹәннәтә дөнәҹәк. Һамынын сағлам гидасы, гәшәнҝ еви олаҹаг. Инсанлар артыг гәддар, залым олмајаҹаг, әксинә, хејирхаһ олаҹаглар. Вәһши һејванлар бизи горхутмајаҹаг, һеч биз дә онлардан горхмајаҹағыг.

Јеһова Аллаһын өлүләри дирилтмәси һејрәтамиз һадисә олаҹаг. Биз Һабил, Нуһ, Ибраһим, Сара, Муса, Рут, Әстәр, Давуд кими, гәдимдә јашамыш инсанлары ҝөрәҹәјик. Онлар бизимлә бирҝә Јери ҹәннәтә дөндәрәҹәкләр. Бизи бир-бириндән мараглы ишләр ҝөзләјир.

Јеһова Аллаһ сәни дә орада ҝөрмәк истәјир. Сән Јеһова илә чох јахын дост олаҹагсан. Бәлкә дә, инди буну һеч ағлына белә ҝәтирә билмәзсән! Ҝәлин Јеһова Аллаһа ҝүнбәҝүн, инди вә әбәдијјән даһа да јахынлашаг!

«Аллаһымыз Јеһова, Сән шана, шәрәфә, гүдрәтә лајигсән! Чүнки һәр шејин јараданы Сәнсән вә һәр шеј Сәнин ирадәнлә мөвҹуд олду вә јарадылды» (Вәһј 4:11)

Әлава мәлумат

ИЛАҺИ МҮЖДӘ

Аллаһын Падшаһлығы

Аллаһын Падшаһлығынын Падшаһы кимдир? Бу һөкумәт нәләри һәјата кечирәҹәк?