Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Мүгәддәс Китаб дүнјасына сәјаһәт

 ДӘРС 78

Иса Мәсиһ Падшаһлыг хәбәрини тәблиғ едир

Иса Мәсиһ Падшаһлыг хәбәрини тәблиғ едир

Вәфтиз олундугдан гыса мүддәт сонра Иса Мәсиһ тәблиғ етмәјә башлајыр. О, «Аллаһын Падшаһлығы јахындыр», — дејә тәблиғ едир. Иса Мәсиһ Ҹәлилә вә Јәһудијјәни долашанда шаҝирдләри дә онун јанында олур. О, доғма шәһәри Насирәјә гајыданда синагога ҝириб Әшија пејғәмбәрин јаздығы тумарлары ачыб уҹадан охујур: «Јеһова Аллаһ мәнә Өз мүгәддәс руһуну вериб ки, хош хәбәри тәблиғ едим». Иса Мәсиһ нә демәк истәјир? О демәк истәјир ки, инсанлар онун мөҹүзә ҝөстәрмәсини истәсәләр дә, онун мүгәддәс руһу алмагда әсас мәгсәди хош хәбәри тәблиғ етмәкдир. Сонра исә о, ҹамаата дејир: «Бу ҝүн бу пејғәмбәрлик јеринә јетир».

Сонра Иса Ҹәлилә дәнизинә ҝедир. О, орадакы дөрд балыгчыны өзүнә шаҝирд сечир. Иса онлары дәвәт едир: «Мәнимлә ҝәлин. Бундан сонра инсан тутаҹагсыныз». Бу шаҝирдләрин адлары Бутрус, Андреас, Јагуб вә Јәһјадыр. Онлар дәрһал балыгчылыгдан әл чәкиб Исанын ардынҹа ҝедирләр. Онлар бүтүн Ҹәлиләни ҝәзиб Јеһованын Падшаһлығы һагда данышырлар. Һәмчинин синагогларда, базарларда вә күчәләрдә тәблиғ едирләр. Ҝетдикләри һәр јердә чохлу ҹамаат онларын ардынҹа ҝедир. Иса Мәсиһ һагда хәбәр һәр јерә, һәтта Суријаја да ҝедиб чатыр.

Бир мүддәт сонра Иса Мәсиһ бәзи шаҝирдләринә инсанлары сағалтмаг вә ҹинләри чыхармаг ҝүҹү верир. Онлар Иса илә бирҝә шәһәрбәшәһәр, кәндбәкәнд долашыб тәблиғ едир. Мәҹдәлли Мәрјәм, Јуһәнна, Сүсән вә башга иманлы гадынлар Исанын вә шаҝирдләринин гуллуғунда дурурлар.

Шаҝирдләринә тәлим верәндән сонра Иса Мәсиһ онлары тәблиғ етмәјә ҝөндәрир. Онлар Ҹәлиләни долашыб тәблиғ едирләр. Бир чох инсан вәфтиз едилиб Иса Мәсиһин шаҝирди олур. Чохлары онун шаҝирди олмаг истәдијиндән, Иса Мәсиһ онлары бичинә һазыр олан зәми илә мүгајисә едир. О дејир: «Јеһоваја дуа един ки, мәһсулу  јығмаг үчүн чохлу бичинчи ҝөндәрсин». Сонра шаҝирдләриндән 70-ни сечиб, онлары ики-ики бүтүн Јәһудијјәдә тәблиғ етмәјә ҝөндәрир. Онлар һәр ҹүр инсана Аллаһын Падшаһлығы һагда өјрәдирләр. Шаҝирдләр ҝери гајыданда һәвәслә Иса пејғәмбәрә башларына ҝәләнләри данышырлар. Шејтан онларын тәблиғ етмәсинә мане ола билмир.

Иса Мәсиһ әмин олур ки, шаҝирдләри о ҝөјә гајыдандан сонра да бу ваҹиб иши ҝөрмәјә давам едәҹәкләр. О шаҝирдләринә дејир: «Дүнјанын һәр јериндә хош хәбәри тәблиғ един. Ҹамаата Аллаһын Кәламыны өјрәдин. Онлары вәфтиз един».

«Мән Аллаһын Падшаһлығы һаггында мүждәни башга шәһәрләрә дә чатдырмалыјам, ахы Аллаһ мәни бу иш үчүн ҝөндәриб» (Лука 4:43)

Әлава мәлумат

ИСА ПЕЈҒӘМБӘР. ЈОЛ, ҺӘГИГӘТ, ҺӘЈАТ

Иса Мәсиһ јетмиш шаҝирдини тәблиғә ҝөндәрир

Иса Мәсиһ Јәһудијјәдә јетмиш шаҝирдини ики-ики ҝөндәрәрәк Аллаһын Падшаһлығыны бәјан етмәји тапшырыр. Шаҝирдләр инсанлара синагогларда, јохса евләриндә тәблиғ етмәлидирләр?

ИСА ПЕЈҒӘМБӘР. ЈОЛ, ҺӘГИГӘТ, ҺӘЈАТ

Пејғәмбәр өзүнә шаҝирд топлајыр

Исанын илк алты шаҝирдини Мәсиһи тапдыгларыны нә әмин едир?