Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Мүгәддәс Китаб дүнјасына сәјаһәт

 ДӘРС 71

Јеһова Исаны горујур

Јеһова Исаны горујур

Исраилин шәргиндә улдузларын онлара јол ҝөстәрдијинә инанан инсанлар јашајырды. Бир ахшам бу инсанлардан бәзиләри сәмада һәрәкәт едән улдуза охшар парлаг бир шеј ҝөрүрләр вә онун ардынҹа ҝедирләр. Бу улдуз онлары Јерусәлимә апарыб чыхарыр. Бу инсанлар ҹамаатдан сорушурлар: «Ҝәләҹәкдә јәһудиләрин падшаһы олаҹаг ушаг һарададыр? Биз она баш әјмәјә ҝәлмишик».

Јерусәлим падшаһы Һирод јени падшаһ һагда сөһбәти ешидәндә чох нараһат олур. О, баш каһинләрдән сорушур: «Бу падшаһ һарада доғулмалыдыр?» Онлар Һирода ҹаваб верирләр: «Пејғәмбәрләр демишди ки, о, Бејтләһмдә доғулаҹаг». Буну ешидән Һирод шәргдән ҝәлән адамлары јанына чағырыб дејир: «Бејтләһмә ҝедиб, о ушағы тапын. Сонра исә ҝәлиб онун һарада олдуғуну мәнә дејин. Мән дә она баш әјмәк истәјирәм». Анҹаг о, јалан дејир.

Улдуз јенидән һәрәкәт етмәјә башлајыр вә һәмин адамлары Бејтләһмә ҝәтириб чыхарыр. Улдуз бир евин үстүндә дајаныр. Шәргдән ҝәлән адамлар һәмин евә ҝирирләр. Онлар евдә Иса илә анасы Мәрјәми ҝөрүрләр. Һәмин адамлар ушаға баш әјир вә она гызыл, күндүр вә мүрр һәдијјә едирләр. Ҝөрәсән, бу адамлары Јеһова ҝөндәриб? Хејр.

Һәмин ҝеҹә Јеһова Аллаһ јухуда Јусифә дејир: «Һирод Исаны өлдүрмәк истәјир. Арвадыны вә оғлуну ҝөтүрүб Мисирә гач. Нә вахт гајыдаҹағыны сәнә дејәҹәјәм». Јусиф дәрһал аиләсини ҝөтүрүб Мисирә ҝедир.

Јеһова шәргдән ҝәлән адамлара дејир ки, онлар Һиродун јанына гајытмасынлар. Һирод ҝөрәндә ки, онлар ҝери гајытмырлар јаман гәзәбләнир. Исаны тапа билмәдији үчүн әмр едир ки, Бејтләһмдә Иса јашларында олан бүтүн балаҹа оғлан ушагларыны өлдүрсүнләр. Анҹаг Иса һәмин вахт Мисирдә олдуғундан онун һәјаты тәһлүкәдә олмур.

 Бир мүддәт сонра Һирод өлүр. Јеһова Јусифә дејир: «Инди раһат ҝери гајыда биләрсән». Јусиф, Мәрјәм вә Иса Исраилә ҝери гајыдыр вә Насирә шәһәриндә јашајырлар.

«Ағзымдан чыхан сөз дә белә олаҹаг... Ону ҝөндәрдијим мәгсәдә мүтләг наил олаҹаг» (Әшија 55:11)

Әлава мәлумат

ИСА ПЕЈҒӘМБӘР. ЈОЛ, ҺӘГИГӘТ, ҺӘЈАТ

Мүнәҹҹимләр көрпәни ҝөрмәјә ҝәлир

Нәјә ҝөрә Шәргдә ҝөрдүкләри улдуз онлары бәри башдан гатил падшаһ Һиродун јанына ҝәтирди, Исанын јох?

ИСА ПЕЈҒӘМБӘР. ЈОЛ, ҺӘГИГӘТ, ҺӘЈАТ

Онлар залым падшаһдан гачырлар

Исанын һәјатынын еркән илләриндә Мәсиһә аид үч пејғәмбәрлик јеринә јетир.