Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Аллаһын Падшаһлығы нәдир?

Аллаһын Падшаһлығы нәдир?

Сизҹә, бу...

  • мәҹази мәнада дејилмиш ифадәдир?

  • ҝөјдә гурулмуш һөкумәтдир?

  • јохса башга бир шејдир?

 МҮГӘДДӘС КИТАБДА НӘ ДЕЈИЛИР?

«Ҝөјләрин Аллаһы һеч вахт дағылмајаҹаг бир падшаһлыг гураҹаг» (Пејғәмбәрләрин китабы, Дәнјал 2:44).

«Она һакимијјәт, шәрәф вә падшаһлыг верилди... Онун һакимијјәти сона јетмәјәҹәк әбәди һакимијјәтдир»(Пејғәмбәрләрин китабы, Дәнјал 7:14).

БУ СИЗИН ҮЧҮН НӘ МӘНА КӘСБ ЕДИР?

  • Әдаләтли һөкумәт шәхсән сизә фајда ҝәтирә биләр (Пејғәмбәрләрин китабы, Әшија 48:17, 18).

  • Гаршыдан ҝәлән јени дүнјада инсанлар там сағлам вә хошбәхт өмүр сүрәҹәкләр (Инҹил, Вәһј 21:3, 4).

 МҮГӘДДӘС КИТАБДА ДЕЈИЛӘНЛӘРӘ ИНАНМАГ ОЛАРМЫ?

Бәли, олар, ән азы, ики сәбәбә ҝөрә:

  • Иса пејғәмбәр јер үзүндә оланда Аллаһын Падшаһлығынын нәләри һәјата кечирәҹәјини ҝөстәрмишди. О, өз давамчыларына Аллаһын Падшаһлығынын ҝәлмәси вә Аллаһын ирадәсинин јер үзүндә јеринә јетмәси барәдә дуа етмәји өјрәдирди (Инҹил, Мәтта 6:9, 10). Иса пејғәмбәр бу дуаја Аллаһын неҹә ҹаваб верәҹәјини нүмајиш етдирмишди.

    Иса пејғәмбәр јер үзүндә јашајанда аҹлары дојуздурур, хәстәләрә шәфа верир вә өлүләри дирилдәрәк һәјата гајтарырды! (Инҹил, Мәтта 15:29—38; Јәһја 11:38—44). Аллаһын Падшаһлығынын Падшаһы Иса Мәсиһ Падшаһлығын өз тәбәәләри үчүн нәләр едәҹәјини мөһтәшәм шәкилдә ҝөстәрди (Инҹил, Вәһј 11:15).

  • Дүнјада һөкм сүрән вәзијјәт әмин едир ки, Аллаһын Падшаһлығы тезликлә ҝәләҹәк. Иса пејғәмбәр демишди ки, Падшаһлыг јер үзүнә сүлһ вә әмин-аманлыг ҝәтирмәздән өнҹә дүнја мүһарибәләр, зәлзәләләр вә аҹлыг уҹбатындан әзијјәт чәкәҹәк (Инҹил, Мәтта 24:3, 7).

    Бүтүн бунлар ҝөзүмүзүн габағында баш верир. Буна ҝөрә дә там әмин ола биләрик ки, Аллаһын Падшаһлығы тезликлә бу проблемләрин һамысына сон гојаҹаг.

 ДҮШҮНҮН

Аллаһын Падшаһлығынын һакимијјәти алтында һәјат неҹә олаҹаг?

Бу суалын ҹавабы Мүгәддәс Китабын ашағыдакы ајәләриндә јазылыб: ЗӘБУР 37:29; ӘШИЈА 65:21—23.

Әлава мәлумат

МҮГӘДДӘС ЈАЗЫЛАРА АИД СУАЛЛАРА ҸАВАБ

Јер үзүндә сүлһ неҹә бәргәрар олаҹаг?

Аллаһын Өз Падшаһлығы васитәсилә бүтүн дүнјада сүлһү бәргәрар едәҹәјинә даир вердији вәди неҹә һәјата кечирәҹәји барәдә өјрәнин.

ИЛАҺИ МҮЖДӘ

Аллаһын бәшәријјәт үчүн нијјәти

Мүгәддәс Китабда Аллаһын јери нә үчүн јаратдығы, әзабларын нә вахт битәҹәји, ҝәләҹәкдә јер үзүндә олаҹаг дәјишикликләр вә орада јашајаҹаг инсанлар һагда бәһс олунур.