Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Ҝөзәтчи гүлләси (тәлим нәшри)  |  ијул 2015

Ҹәлиләдә Бирија мешәси (ашағыда)

Билирсиниз?

Билирсиниз?

Гәдимдә Исраил әразиси Мүгәддәс Китабда тәсвир олундуғу кими мешәлик иди?

МҮГӘДДӘС КИТАБДА дејилир ки, Вәд едилмиш дијар мешәлик иди, өлкәдә ағаҹлар чох иди (1 Пад. 10:27; Јуш. 17:15, 18). Амма бу ҝүн һәмин өлкәдә бөјүк-бөјүк әразиләрдә бир дәнә дә олсун ағаҹын олмадығыны ҝөрәндә бәзиләриндә шүбһә јарана биләр ки, буралар нә вахтса мешәлик олуб.

Бөјүк әнҹир салхымы

«Гәдим Исраилдә һәјат» китабында дејилир ки, «гәдим Исраилдә мешәләр буҝүнкүндән бөјүк иди» («Life in Biblical Israel»). Дағлыг әразиләр әсасән, Һәләб шамы, һәмишәјашыл палыд вә пүстә ағаҹлары илә өртүлмүшдү. Өлкәнин мәркәзиндәки дағ силсиләси илә Аралыг дәнизи арасында јерләшән тәпәлији өзүнә дахил едән Шәфлада чохлу әнҹир ағаҹы да вар иди.

«Мүгәддәс Китабда адлары чәкилән биткиләр» адлы китабда дејилир ки, һазырда Исраилин бәзи јерләри тамамилә ағаҹсыздыр («Plants of the Bible»). Буна нә сәбәб олуб? Һәмин китабда бунун тәдриҹән баш вердији изаһ олунур вә дејилир: «Инсан әсас етибарилә, өзүнүн әкин вә отлаг саһәсини ҝенишләндирмәк үчүн, һәмчинин тикинти материалы вә јанаҹаг әлдә етмәк үчүн дурмадан битки аләминә мүдахилә едир».